ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីភាពក្នុងពិធីប្រគល់បាសាំងទឹក និងកសាងអណ្តូងទឹកសម្រាប់ប្រើប្រាស់ក្នុងវិហារអ៊ីស្លាមទូទាំងខេត្តតាកែវ

ខេត្តតាកែវ៖ ព្រឹកថ្ងៃសៅរ៍ ៤រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែសីហា ឆ្នាំ២០២០ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីភាពក្នុងពិធីប្រគល់បាសាំងទឹក និងកសាងអណ្តូងទឹកសម្រាប់ប្រើប្រាស់ក្នុងវិហារអ៊ីស្លាមទូទាំងខេត្តតាកែវ និងចែកកញ្ចប់អាហារ ថ្នាំពេទ្យដល់ប្រជាពលរដ្ឋរងផលប៉ះពាល់ដោយវិបត្តិកូវីដ-១៩ ចំនួន២០០គ្រួសារ និងជំងឺគ្រុនឈឹកដែលទើបដែលកើតថ្មីៗ ដោយមានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ អភិបាលនៃគណៈអភិបាលខេត្ត អគ្គនាយក នាយកខុទ្ទកាល័យ  គណៈអ៊ីម៉ាំខេត្តស្រុក ស្ថិតនៅភូមិចុងខ្នុល សង្កាត់បារាយណ៍ ក្រុងដូនកែវ ខេត្តតាកែវ។ ក្នុងឱកាសនោះដែរ ឯកឧត្តមរដ្ឋមន្ត្រី បានពាំនាំនូវការផ្ដាំផ្ញើសួរសុខទុក្ខ និងការនឹករលឹកពីសម្ដេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សម្ដេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាប្រធានកិត្តិយសគណបក្សប្រជាជនកម្ពុជា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ដែលសម្តេចតែងតែគិតគូរ និងយកចិត្តទុកដាក់ជានិច្ច លើវិស័យសាសនានៅព្រះរាជាណាចក្រកម្ពុជា ក៏ដូចជាសាសនាឥស្លាមផងដែរ។ ថ្លែងក្នុងឱកាសនោះ ឯកឧត្តមរដ្ឋមន្រ្តី បានកោតសរសើរ និងវាយតម្លៃខ្ពស់ចំពោះថ្នាក់ដឹកនាំឥស្លាមគ្រប់លំដាប់ថ្នាក់ គណៈដឹកនាំជាន់ខ្ពស់ នៃសាសនាឥស្លាមកម្ពុជា ជាពិសេស ឯកឧត្តម ហូសេន មហាំម៉ាត់ហ្វារីត ដែលខិតខំស្វែងរកជំនួយមនុស្សធម៌ ចែករំលែកជូនបងប្អូនប្រជាពលរដ្ឋខ្វះខាត ដូចពេលនេះ បានយ៉ាងល្អប្រសើរ និងអធិកអធមគួរជាទីមោទនៈ និងក្នុងរយៈពេលកន្លងមកនេះ ស្ថាប័នគណៈដឹកនាំជាន់ខ្ពស់នៃសាសនាឥស្លាមកម្ពុជា ថ្នាក់ដឹកនាំឥស្លាម អង្គការ សមាគមឥស្លាមក្នុងប្រទេសនិងក្រៅប្រទេស មានសកម្មភាពដូចភ្លៀងរលឹម នៅក្នុងសហគមន៍ឥស្លាមរបស់ខ្លួនជាអាទិ៍មាន ៖ ការកសាងវិហារ សាលារៀនឥស្លាម អណ្ដូងតូចធំ បង្គន់អនាម័យ ការបើកវគ្គសិក្ខាសាលា ការចុះអប់រំ ណែនាំ ផ្សព្វផ្សាយ ស្ដីពីអំពើល្អរបស់សាសនាឥស្លាម, ការកសាងអំពើល្អ ហាមឃាត់អំពើអាក្រក់ ដើម្បីចូលរួមចំណែក ក្នុងការអភិវឌ្ឍសហគមន៍បងប្អូននិងសង្គមជាតិ ស្ដីពីការងារគ្រប់គ្រងរបស់ថ្នាក់ដឹកនាំឥស្លាម ចំពោះសហគមន៍របស់ខ្លួន។ ឯកឧត្ដមរដ្ឋមន្រ្តី បានផ្តាំផ្ញើរឱ្យអាជ្ញាធរនិងសមត្ថកិច្ចគ្រប់លំដាប់ថ្នាក់ត្រូវជួយប្រជាពលរដ្ឋជម្នះពុះពារបញ្ហាប្រឈមជាចម្បងក្នុងជីវភាពរស់នៅប្រចាំថ្ងៃ និងអនាម័យ ដើម្បីបង្ការកុំឱ្យឆ្លងជំងឺកូវីដ-១៩ និងទប់ស្កាត់ និងការពារជំងឺគ្រុនឈីកផងដែរជាមួយគ្នានោះដែរ ឯកឧត្ដមរដ្ឋមន្រ្តី បានមានប្រសាន៍លើកឡើងថា រាជរដ្ឋាភិបាលដែលមានសមេ្តចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឈ្លាសវៃប្រកបដោយគតិបណ្ឌិត បាននឹងខិតខំយ៉ាងសកម្មប៓ផុតក្នុងការរក្សាសុខសន្តិភាព ស្ថេរភាព សុវត្ថិភាព ការពង្រឹង និងពង្រីកខឿនសេដ្ឋកិច្ចជាតិ និងការធ្វើឱ្យមានវឌ្ឍនភាពវប្បធម៌ ប្រពៃណី ក៏ដូចជាការបង្កនូវបរិយាកាសយោគយល់ ចុះសម្រុងគ្នា និងភាពសុខដុមរមនា រវាងសាសនិកនៃសាសនាទាំងឡាយនៅកម្ពុជា ដើម្បីឈានទៅកាន់ការអភិវឌ្ឍសង្គមជាតិ។ រាជរដ្ឋាភិបាលតែងតែស្វាគមន៍ជានិច្ចនូវរាល់សកម្មភាពគ្រប់សាសនានៅកម្ពុជា ដែលមានលក្ខណៈជាការអភិវឌ្ឍសង្គមជាតិ ដោយគោរពច្បាប់ប្រទេសជាតិ។ បន្ថែមពីនេះទៀត តាមរយៈក្រសួងធម្មការ និងសាសនា អង្គការក្រុមប្រឹក្សាស៊ីស្លាមអភិវឌ្ឍន៍កម្ពុជា ក៏បាននាំយកអំណោយផ្ដល់ជូន បងប្អូនប្រជាពលរដ្ឋ ខ្វះខាតចំនួន ២០០គ្រួសារ ដោយក្នុងមួយគ្រួសារៗ ទទួលបាន៖ អង្ករ ១០គីឡូ ទឹកស៊ីអ៊ីវ កន្លះយួរ ស្កសរ ២គីឡូ មី ៦កញ្ចប់ ត្រីខ ៣កំប៉ុង ទឹកក្រូច ៣លីត្រ ចំនួន ១ដប ដើម្បីសម្រាប់បងប្អូនប្រជាពលរដ្ឋសម្រាប់ដោះស្រាយជីវភាពប្រចាំថ្ងៃ។

Read more: ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីភាពក្នុងពិធីប្រគល់បាសាំងទឹក...

សំណៅផ្ដាម សិលាចារឹក វត្ត គិរីស្ដេចគង់

កាលពីល្ងាចថ្ងៃពុធ ទី៥ ខែសីហា ឆ្នាំ២០២០ ពុទ្ធសាសនបណ្ឌិត្យបានទទួលសំណៅផ្ដាមសិលាចារឹកវត្តគិរីស្ដេចគង់ ឬហៅថា សិលាចារឹកសុវណ្ណភូមិ ដើម្បីដាក់តាំងនៅក្នុងសាលប្រជុំ ពីលោកគ្រូ ហ៊ុន ឈុនតេង ដែលជាអ្នកផ្ដាមផ្ទាល់ និងដោយមានការអនុញ្ញាតពីលោក ឆាយ វិសុទ្ធ ប្រធានសារៈមន្ទីរជាតិ។ សេចក្ដីលំអិតពីសិលាចារឹកនេះ មានបោះពុម្ពផ្សាយក្នុងសៀវភៅទស្សនាវដ្ដីកម្ពុជសុរិយាលេខ៤ ឆ្នាំ២០១៩ មានអត្ថបទសិក្សាដោយអ្នកស្រាវជ្រាវផ្នែកសិលាចារឹកល្បីៗគឺ:

១. ប្រវត្តិសិលាចារឹក និងស្ថាននាម «សុវណ៌្ណភូមិ» ដោយលោកបណ្ឌិត វង់ សុធារ៉ា (Vong Sotheara)

២. អំណានអត្ថបទនិងលក្ខណៈតួអក្សរចារឹក ដោយលោក ហ៊ុន ឈុនតេង (កខគ ឃង)

៣. សេចក្តីប្រែនិងសេចក្តីអត្ថាធិប្បាយ ដោយបណ្ឌិត ឆោម គន្ធា

 

សូមថ្លែងអំណរគុណដ៏ជ្រាលជ្រៅ ។

ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញដឹកនាំកិច្ចប្រជុំស្ដីពីការបូកសរុបលទ្ធផលការងារវិស័យធម្មការ និងសាសនាប្រចាំខែកក្កដា ឆ្នាំ២០២០ និងលើកទិសដៅអនុវត្តន៍ខែបន្ត

ព្រឹកថ្ងៃចន្ទ ១៤កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ០៣ ខែសីហា ឆ្នាំ២០២០ ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញដឹកនាំកិច្ចប្រជុំស្ដីពីការបូកសរុបលទ្ធផលការងារវិស័យធម្មការ និងសាសនាប្រចាំខែកក្កដា ឆ្នាំ២០២០ និងលើកទិសដៅអនុវត្តន៍ខែបន្ត និងមានការនិមន្ត អញ្ជើញចូលរួមពី សម្តេច ព្រះរាជាគណៈ ឯកឧត្តម លោកជំទាវ ជា រដ្ឋលេខាធិការ អនុរដ្ឋលេខាធិការ នាយកខុទ្ទកាល័យ អគ្គនាយក ព្រះសាកលវិទ្យាធិការ អគ្គនាយករង សាកលវិទ្យាធិការរង ប្រធាននាយកដ្ឋាន ប្រធានផ្នែក និង ប្រធានមន្ទីរធម្មការ និងសាសនារាជធានី-ខេត្ត នៅទីស្ដីការក្រសួងធម្មការ និងសាសនា។ ក្នុងកិច្ចប្រជុំនេះដែរ ឯកឧត្តមរដ្ឋលេខាធិការប្រចាំការ បានអានរបាយការណ៍បូកសរុបលទ្ធផលការងារប្រចាំខែកក្កដា ឆ្នាំ២០២០ និងលើកទិសដៅអនុវត្តន៍បន្ត។ ជាមួយគ្នានេះដែរ ប្រធានមន្ទីធម្មការ និងសាសនា រាជធានី-ខេត្ត ចំនួន៤ មាន៖ ខេត្តកំពង់ធំ  ខេត្តស្វាយរៀង ខេត្តកណ្ដាល និង ខេត្តកោះកុង បានលើកឡើងនូវបទអន្តរាគមន៍ចំពោះលទ្ធផលសម្រេចបានបញ្ហាប្រឈម និងសំណូមពររយៈពេលមួយខែ កន្លងមក។ ក្នុងឱកាសនោះដែរ ឯកឧត្តមរដ្ឋមន្ត្រី បានមានប្រសាសន៍ណែនាំ និងផ្ដល់អនុសាសន៍ដល់ថ្នាក់ដឹកនាំដែលជាប្រធានអង្គភាពជំនាញទាំងអស់ដូចខាងក្រោម៖

១-សូមឱ្យលោក លោកស្រី ជាថ្នាក់ដឹកនាំនៅអង្គភាពទាំងអស់ ត្រូវយកចិត្តទុកដាក់មើល និងពិនិត្យលើការចុះបញ្ជីសាសនា និងវត្តដែលទើបបង្កើតថ្មីសូមមេត្តាធ្វើឱ្យបានគ្រប់គ្នាដើម្បីការពារកុំឱ្យមានបញ្ហានៅពេលក្រោយ និងត្រូវពិនិត្យឱ្យបានច្បាស់លាស់មុនចុះបញ្ជី ត្រូវឆ្លងថ្នាក់មូលដ្ឋានជាមុនសិន។

២-សូមឱ្យលោក លោកស្រី ជាប្រធានអង្គភាពជំនាញមន្ទីររាជធានី-ខេត្ត ត្រូវយកចិត្តទុកដាក់មើល និងពិនិត្យលើបញ្ហាសាសនា វាពិតជាលំបាកណាស់ក្នុងការគ្រប់គ្រង ព្រោះសាសនាផ្សេងៗខ្លៈមានចេតនាមិនល្អ ដោយយកសាសនាផ្សេងៗមកបិទបាំង ។

៣-សូមឱ្យលោក លោកស្រី ជាថ្នាក់ដឹកនាំនៅអង្គភាពទាំងអស់ ជាពិសេសប្រធានមន្ទីរាជធានី-ខេត្ត ត្រូវយកចិត្តទុកដាក់លើបុគ្គលទុច្ចរិតមួយចំនួនដែលជ្រកក្រោមស្លាកសាសនា ដែលមានគំនិតអាក្រក់ ចង់បំផ្លិចបំផ្លាញសាសនា និងសង្គម។

៤-ជៀសវាងទ្រឹស្តីមួយដែលគេនិយាយថា «កណ្តៀស៊ីឈើ» ដោយយើងមើលពីខាងក្រៅល្អ តែខាងក្នុងផុយអស់ហើយ។

Read more: ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា...

សារលិខិត​រំលែកទុក្ខជូនក្រុមគ្រួសារសព លោក​គ្រូ​ព្រឹទ្ធសាស្ត្រាចារ្យ វិជ្ជា​ធម្មគរុ បណ្ឌិត ទេព ផុន

នៅរសៀលថ្ងៃអង្គារ ៨កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកក្កដា ឆ្នាំ២០២០ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានដឹកនាំគណ:ប្រតិភូមិក្រសួងធម្មការ និងសាសនា  គោរពវិញ្ញាណក្ខន្ខព្រឹទ្ធាចារ្យ វិជ្ជាធម្មគរុ បណ្ឌិត ទេព ផុន ដែលជាមរតកមនុស្សរស់ ក្នុងនោះដែរក្នុងនាមសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឯកឧត្តមរដ្ឋមន្ត្រី បាននាំយកសាលិខិតរំលែកទុក្ខ និងថវិកា១០លានរៀលផ្ទាល់របស់សម្តេចតេជោ និងសម្តេចកិត្តិព្រឹទ្ធបណ្ឌិតជូនក្រុមគ្រួសារសពលោកព្រឹទ្ធាចារ្យមរតកមនុស្សរស់ វិជ្ជាធម្មគរុបណ្ឌិត ទេព ផុន និងថវិការបស់ឯកឧត្តមរដ្ឋមន្ត្រីចំនួន២លានរៀលផងដែរ។ ក្នុងឱកាសដ៏ក្រៀមក្រំនោះផងដែរ ឯកឧត្តមរដ្ឋមន្ត្រី បានមានប្រសាសន៍ថា ការបាត់បង់ព្រឹទ្ធាចារ្យ វិជ្ជាធម្មគរុ បណ្ឌិត គឺជាការបាត់បង់នូវធនធានដ៏កម្រ ដែលតែងតែលះបង់ពេលវេលាចូលរួមលើកស្ទួយវិស័យព្រះពុទ្ធសាសនាក្នុងការបណ្តុះបណ្តាលភាសាបាលី-សំស្ក្រឹត សាសនានិងសូមឲ្យបដិសន្ធិវិញ្ញាណព្រឹទ្ធាចារ្យ  វិជ្ជាធម្មគរុ បណ្ឌិត បានទៅកាន់ទីឋានបរមសុខជាភិយ្យោភាពតទៅ។

Read more: សារលិខិត​រំលែកទុក្ខជូនក្រុមគ្រួសារសព លោក​គ្រូ​ព្រឹទ្ធសាស្ត្រាចារ្យ វិជ្ជា​ធម្មគរុ បណ្ឌិត ទេព ផុន

More Articles...

  1. ពិធីប្រគល់ព្រះរាជសង្ឃប្រកាស និងសេចក្ដីសម្រេចតែងតាំងលោកជំទាវសប្បុរសជនចំនួន ២១រូប ជាឧត្តមប្រឹក្សាផ្ទាល់-ទីប្រឹក្សាផ្ទាល់សម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី
  2. ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញក្រាបថ្វាយបង្គំសម្តេចព្រះសាក្យមុនីកិត្តិបណ្ឌិតទស្សនវិជ្ជា រ័ត្ន សារឿន សមាជិកថេរសភានៃព្រះពុទ្ធសាសនា ព្រះអគ្គាធិការរង ព្រះអនុគណខណ្ឌសែនសុខ និងជាព្រះចៅអធិការវត្តសុវណ្ណមុនីសាគរ ហៅវត្តសំរោងអណ្តែត
  3. ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអនុញ្ញាតិឱ្យលោក សៀ សំណាង ប្រធានសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ចូលជួបសម្តែងការគួរសម
  4. ពិធីប្រជុំផ្សព្វផ្សាយលទ្ធផលការងារពុទ្ធិកសិក្សា ឆ្នាំសិក្សា២០១៩-២០២០ របស់អគ្គាធិការដ្ឋានពុទ្ធិកសិក្សាជាតិ

Page 1 of 81

Flag Counter