របកគំហើញភស្ដុតាងថ្មីនៅទីក្រុងសម្ភុបុរៈ

សូមគោរពនិមន្តនិងអញ្ជើញចូលរួមស្ដាប់បាឋកថាប្រចាំខែកក្កដា ឆ្នាំ២០១៩ ក្រោមប្រធានបទ «របកគំហើញភស្ដុតាងថ្មីនៅទីក្រុងសម្ភុបុរៈ» នៅថ្ងៃអង្គារ ទី៩ ខែកក្កដា វេលាម៉ោង៩:០០នាទីព្រឹក នៅក្នុងសាលប្រជុំពុទ្ធសាសនបណ្ឌិត្យ ដោយលោកសាស្ត្រាចារ្យបណ្ឌិត ធុយ ចាន់ធួន (Chanthourn Thuy)។ សូមអរព្រះគុណ និងអរគុណ

*** ចូលរួមដោយសេរី ***

 

សេចក្តីជូនដំណឹងពុទ្ធសាសនបណ្ឌិត្យ

ពុទ្ធសាសនបណ្ឌិត្យនៃក្រសួងធម្មការនិងសាសនា មានកិត្តិយសសូមគោរពជូនដំណឹងដល់សាធារណជនឲ្យបានជ្រាបថា ពុទ្ធសាសនបណ្ឌិត្យបានបង្កើតកម្មវិធីមួយដែលអាចប្រើលើទូរសព្ទដៃប្រភេទ អាន់ដ្រយ (Android- Samsung,LG,Sony,Huawei,Oppo) គឺកម្មវិធីសទ្ទានុក្រម បាលី-ខ្មែរ (Pali Khmer Glossary)។ សូមលោកអ្នកចូលទៅកាន់ Play Store រួចវាយពាក្យ Pali Khmer Glossary នោះកម្មវិធីនេះនឹងលេចចេញមកសម្រាប់ទាញយកនិងតម្លើងក្នុងទូរសព្ទដៃ។ឬមួយចុចលើនេះhttps://play.google.com/store/apps/detailsសទ្ទានុក្រមនេះ មានប្រមាណ ៥០៣៣មេពាក្យជាភាសាបាលី កត់ត្រាជាបាលីឡាតាំងផង ព្រមទាំងមានសេចក្ដីពន្យល់សង្ខេបខ្លះ និងពាក្យបាលីដែលប្រើក្នុងភាសាខ្មែរ។ ពុទ្ធសាសនបណ្ឌិត្យបានដកស្រង់ទិន្ន័យទាំងស្រុងពីសៀវភៅសទ្ទានុក្រម បាលី-ខ្មែរ សង្ខេបដែលជាស្នាដៃរបស់លោកសាស្ត្រាចារ្យ សឹង ផុស អតីតសាស្ត្រាចារ្យសាកលវិទ្យាល័យភូមិន្ទភ្នំពេញ និងបោះពុម្ពផ្សាយដោយពុទ្ធសាសនបណ្ឌិត្យ ក្នុងឆ្នាំ២០១៨។

សូមអរគុណ

កិច្ចប្រជុំគណៈកម្មការវាយតម្លៃស្នាដៃអក្សរសិល្ប៍ពានរង្វាន់ពុទ្ធសាសនបណ្ឌិត្យលើកទី២ ឆ្នាំ២០១៩

ព្រឹកថ្ងៃព្រហស្បតិ៍ ១០រោច ខែជេស្ឋ ឆ្នាំកុរ ព.ស.២៥៦៣ ត្រូវនឹងថ្ងៃ២៧ ខែមិថុនា ឆ្នាំ២០១៩ ពុទ្ធសាសនបណ្ឌិត្យបានរៀបចំកិច្ចប្រជុំគណៈកម្មការវាយតម្លៃស្នាដៃអក្សរសិល្ប៍ពានរង្វាន់ពុទ្ធសាសនបណ្ឌិត្យលើកទី២ ឆ្នាំ២០១៩ ក្រោមអធិបតីភាពឯកឧត្ដម សេង សុមុនី រដ្ឋលេខាធិការក្រសួងធម្មការ និងសាសនា និងជាតំណាងដ៏ខ្ពង់ខ្ពស់របស់ឯកឧត្ដមទេសរដ្ឋមន្ត្រី រដ្ឋមន្ត្រីក្រសួងធម្មការ និងសាសនា។ កិច្ចប្រជុំនេះបានប្រព្រឹត្តទៅដោយមានរបៀបវារៈដូចតទៅគឺ៖

១.អានរបាយការណ៍សង្ខេប និងអានសមាសភាពគណៈកម្មការ ដោយប្រធានពុទ្ធសាសនបណ្ឌិត្យ

២.មតិដឹកនាំរបស់តំណាងឯកឧត្ដមទេសរដ្ឋមន្ត្រី ប្រធានអង្គប្រជុំ

៣.កិច្ចពិភាក្សាស្ដីពីនីតិវិធីវាយតម្លៃ និងការកំណត់ពិន្ទុ

៤.មតិផ្ដាំផ្ញើរបស់ឯកឧត្ដមប្រធានអង្គប្រជុំ

កិច្ចប្រជុំបានពិភាក្សាយ៉ាងផុលផុស ព្រមទាំងបានកំណត់យកកាលបរិច្ឆេទពាក់កណ្ដាលខែសីហា ឆ្នាំ២០១៩ ដើម្បីប្រជុំបូកសរុបពិន្ទុរកជ័យលាភី។

Read more: កិច្ចប្រជុំគណៈកម្មការវាយតម្លៃស្នាដៃអក្សរសិល្ប៍ពានរង្វាន់ពុទ្ធសាសនបណ្ឌិត្យលើកទី២ ឆ្នាំ២០១៩

ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្រ្តីក្រសួងធម្មការនិងសាសនាបានអញ្ជើញចុះសួរសុខទុក្ខ និងនាំយកអំណោយចែកជូនដល់គ្រួសាររងគ្រោះដោយសារខ្យល់កន្ត្រាក់ ក្នុងឃុំអំពិល ស្រុករមាសហែក ខេត្តស្វាយរៀង

ស្រុករមាសហែក ៖ ព្រឹកថ្ងៃពុធ ៩រោច ខែជេស្ឋ ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី២៦ ខែមិថុនា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្រ្តីក្រសួងធម្មការនិងសាសនា និងជាប្រធានក្រុមការងារថ្នាក់ជាតិចុះមូលដ្ឋានស្រុករមាសហែក ខេត្តស្វាយរៀង បានអញ្ជើញចុះសួរសុខទុក្ខ និងនាំយកអំណោយចែកជូនដល់គ្រួសាររងគ្រោះដោយសារខ្យល់កន្ត្រាក់ចំនួន ៣គ្រួសារ នៅភូមិ ត្រពាំងពពេល ភូមិទឹកវិល ឃុំអំពិល ស្រុករមាសហែក ក្នុងនោះរងគ្រោះធ្ងន់ធ្ងរចំនួន២គ្រួសារ និងរងគ្រោះស្រាលចំនួន១គ្រួសារ ។

នាឱកាសនោះ ឯកឧត្តមទេសរដ្ឋមន្រ្តី បានពាំនាំនូវប្រសាសន៍ផ្តាំផ្ញើរសាកសួរសុខទុក្ខពីសំណាក់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចអគ្គមហាពញ្ញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា  ដែលជានិច្ចកាលសម្តេចតែងតែយកចិត្តទុកដាក់ គិតគូរពីសុខមាលភាពប្រជាពលរដ្ឋទូទៅ ដោយមិនប្រកាន់និន្នាការនយោបាយអ្វីឡើយ សម្ដេចក៏តែងតែមានការព្រួយបារម្មណ៍ ពីសុខទុក្ខប្រជាពលរដ្ឋគ្រប់កាលៈទេសៈ ជាពិសេសបងប្អូនដែលកំពុងទទួលរងគ្រោះថ្នាក់ដោយគ្រោះធម្មជាតិ។ សម្ភារៈផ្តល់ជូនរួមមាន៖  មីម៉ាម៉ា ត្រីខ មីសួរ នំនិងថវិកាចំនួនក្នុងមួយគ្រួសារ។

Read more: ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្រ្តីក្រសួងធម្មការនិងសាសនាបានអញ្ជើញចុះសួរសុខទុក្ខ...

កម្រង​រូប​ភាព​មួយ​ចំនួន​ស្ដីពីការ​ធ្វើ​បាឋកថា​ប្រចាំ​ខែ​មិថុនា

កម្រងរូបភាពមួយចំនួនស្ដីពីការធ្វើបាឋកថាប្រចាំខែមិថុនា នៅពុទ្ធសាសនបណ្ឌិត្យ ក្រោមប្រធានបទ «លក្ខណៈពិសេសនៃស្នេហាទុំទាវ»   នារសៀលថ្ងៃទី២០ ខែមិថុនា ឆ្នាំ២០១៩ ដោយលោកសាស្ត្រាចារ្យ ប៉ាង រតនា។

Read more: កម្រង​រូប​ភាព​មួយ​ចំនួន​ស្ដីពីការ​ធ្វើ​បាឋកថា​ប្រចាំ​ខែ​មិថុនា

Flag Counter