ឯកឧត្តមទេសរដ្ឋមន្រ្តីអញ្ជើញបិទសិក្ខាសាលាស្ដីពីកិច្ចសន្ទនាអន្តរជំនឿសាសនាដើម្បីពង្រឹងសុខដុមណីយកម្មសាសនានៅព្រះរាជាណាចក្រកម្ពុជាលើកទី ៨ ក្រោមប្រធានបទ "សាសនិកគ្មានគ្រឿងញៀន និងការគោរពច្បាប់ចរាចរណ៍ផ្លូវគោក

រសៀលថ្ងៃសុក្រ ៤រោច ខែកត្តិក ឆ្នាំ កុរ ឯកស័ក ព.ស.២៥៦៣ ត្រូវនឹងថ្ងៃទី ១៥ខែវិច្ឆិកា ឆ្នាំ ២០១៩ ឯកឧត្តម ហ៊ឹម ឆែម ទេសរដ្ឋមន្ត្រីរដ្ឋមន្ត្រីក្រសួងធម្មការនិងសាសនា បានអញ្ជើញជាអធិបតីបិទសិក្ខាសាលាស្ដីពីកិច្ចសន្ទនាអន្តរជំនឿលើសាសនា ដើម្បីពង្រឹងសុខដុមនីយកម្មសាសនានៅព្រះជាណាចក្រកម្ពុជាលើកទី៨ក្រោមប្រធានបទ "សាសនិកគ្មានគ្រឿងញៀន និងការគោរពច្បាប់ចរាចរណ៍ផ្លូវគោក "   ដែលមានការយាងនិមន្ត និងអញ្ជើញចូលរួមពីសំណាក់សម្ដេច ព្រះរាជាគណៈ ព្រះថេរានុត្ថេរ: ឯកឧត្តម លោកជំទាវ លោកឧកញ៉ា ថ្នាក់ដឹកនាំសាសនា និងបរិស័ទ នៃឥស្លាមសាសនា គ្រីស្ទសាសនា និងសាសនិកនៃសាសនាផ្សេងៗសរុបប្រមាណចំនួន៩០៥អង្គ/នាក់ នៅសាលសន្និសីទចតុម្មុខ។ ឆ្លៀតឱកាសដ៏ប្រសើរថ្លៃថ្លានោះផងដែរ ឯកឧត្តមទេសរដ្ឋមន្ត្រី សូមសម្តែងនូវការកោតសរសើរ និងវាយតម្លៃខ្ពស់ចំពោះក្រុមការងារក្រសួងសាធាណការនិងដឹកជញ្ជូន ក្រុមការងារនៃអគ្គលេខាធិការដ្ឋានប្រយុទ្ធប្រឆាំងគ្រឿងញៀននៃក្រសួងមហាផ្ទៃ ថ្នាក់ដឹកនាំ មន្រ្តីរាជការ បុគ្គលិក នៃក្រសួងធម្មការនិងសាសនា ជាពិសេសនាយកដ្ឋានពាហិរសាសនា នៃអគ្គនាយកដ្ឋានកិច្ចការសាសនា ដែលបានខិតខំប្រឹងប្រែងរៀបចំអង្គសិក្ខាសាលាប្រកបដោយអត្ថន័យ និងអត្ថប្រយោជន៍នេះឡើងប្រកបដោយជោគជ័យគួរជាទីមោទនៈនាពេលនេះ   និងសូមសំដែងនូវការកោតសរសើរដល់គ្រប់បណ្ដាថ្នាក់ដឹកនាំសាសនា និងបរិស័ទនៃសាសនាទាំងអស់នៅកម្ពុជា ដែលបានបូជាកម្លាំងកាយ កំលាំងចិត្ត ដើម្បីបំពេញបេសកកម្មដ៏ថ្លៃថ្លារបស់ខ្លួនក្នុងស្មារតីទទួលខុសត្រូវខ្ពស់ស្របទៅតាមសីលធម៌ និងគោលលទ្ធិ មាគាដឹកនាំសាសនានីមួយៗ ដោយមានការឯកភាពគ្នា យោកយល់គ្នា អាជាស្រ័យគ្នា និងគោរពគ្នាទៅវិញទៅមក ដែលជាឫសគល់នៃវប្បធម៌សន្តិភាព ពង្រឹងនិងពង្រីកកិច្ចសន្ទនាអន្តរជំនឿសាសនា ដើម្បីសុខដុមនីយកម្មសាសនាក្នុងសង្គមខ្មែរទាំងមូល។ តាមរយៈអង្គសិក្ខាសាលានេះ បានធ្វើឲ្យសាសនាទាំងអស់នៅកម្ពុជាអាចរស់នៅជាមួយគ្នាដោយសន្តិភាពក្នុងសហគមន៍ ចេះយោគយល់អធ្យាស្រ័យ និងជួយគ្នាទៅវិញទៅមកធ្វើឲ្យមានសុខដុមនីយកម្មសាសនានៅកម្ពុជា ដែលជាគោលបំណងប្រាថ្នាធំបំផុតរបស់រាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ  ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាជាប្រមុខដឹកនាំ។ ទន្ទឹមនឹងនោះដែរ ឯកឧត្តមទេសរដ្ឋមន្រ្តី ក៏បានមានប្រសាសន៍បញ្ជាក់ជូន អំពីគោលនយោបាយឈ្នះៗ របស់ សម្តេចអគ្គមហាសេនាបតីតេជោ ហ៊ុន សែន បាននាំមកឲ្យប្រទេស និងប្រជាជនកម្ពុជា នូវសន្តិភាព និងការអភិវឌ្ឍន៍គ្រប់វិស័យ និងសូមចងចាំថារាជរដ្ឋាភិបាលគោរពសិទ្ធិសេរីភាពខាងជំនឿនិងសាសនាលើកស្ទួយព្រះពុទ្ធសាសនាដែលជាសាសនារបស់រដ្ឋនិងបង្កលក្ខណៈសម្បត្តិល្អដល់សកម្មភាពនៃសាសនាផ្សេងៗទៀតដោយផ្អែកលើមូលដ្ឋានថែរក្សាសាមគ្គីរវាងប្រជាជន ស្ថិរភាពនយោបាយនិងសណ្តាប់ធ្នាប់សង្គមដោយរារាំងការរើសអើងនិងការបែងចែកក្នុងសង្គមដែលបណ្តាលមកពីភាពខុសគ្នាខាងជំនឿនិងសាសនា។ ឯកឧត្តមទេសរដ្ឋមន្រ្តី បានផ្ដល់អនុសាសន៍មួយចំនួនដល់ថ្នាក់ដឹកនាំ និងបរិសុទ្ធគ្រប់សាសនាទាំងអស់ ដើម្បីរួមគ្នាចូលរួមពង្រឹង និងពង្រីកវិស័យសាសនានៅក្នុងសង្គមកម្ពុជាមានសុខដុមនីយកម្ម និងការអភិវឌ្ឍរីកចំរើនជាលំដាប់ដូចខាងក្រោម÷

១-សូមថ្នាក់ដឹកនាំ និងបរិស័ទគ្រប់សាសនាទាំងអស់បន្តគាំទ្រការដឹកនាំរបស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដើម្បីរក្សានូវសុខសន្តិភាព និងការរីកចម្រើនបន្តទៅទៀត ជាពិសេសរក្សាបាននូវសុខដុមនីយកម្មនៅគ្រប់សាសនាទាំងអស់ដែលប្រតិបត្តិគោលលទ្ធិសាសនានៅព្រះជាណាចក្រកម្ពុជា។

២-សូមថ្នាក់ដឹកនាំនិងបរិស័ទគ្រប់សាសនាទាំងអស់ ចូលរួមផ្សព្វផ្សាយដល់សាសនិករបស់ខ្លួនអំពីគុណវិបត្តិនៃគ្រឿងញៀន នឹងបញ្ហាការគោរពច្បាប់ចរាចរណ៍ និងច្បាប់ផ្សេងៗទៀតរបស់រដ្ឋតាមរយៈការទេសនាអប់រំ សិក្ខាសាលា វគ្គបណ្ដុះបណ្ដាល និងវិធីសាស្រ្តផ្សេងៗទៀត តាមគ្រប់រូបភាពដែលអាចធ្វើទៅបានប្រកបដោយប្រសិទ្ធភាព។

៣-ជំរុញឱ្យថ្នាក់ដឹកនាំ និងបរិស័ទគ្រប់សាសនាធ្វើយ៉ាងណាជួយគ្នាក្នុងការទប់ស្កាត់ការប្រើប្រាស់គ្រឿងញៀននៅក្នុងសហគមន៍ ក៏ដូចជាការចូលរួមគោរពច្បាប់ចរាចរណ៍ទាំងអស់គ្នា ក្នុងគោលបំណងដើម្បីកាត់បន្ថយគ្រោះថ្នាក់ចរាចរណ៍ឲ្យបានក្នុងកម្រិតខ្ពស់បំផុត។

៤-ជំរុញឱ្យថ្នាក់ដឹកនាំនិងបរិស័ទគ្រប់សាសនាទាំងអស់រួមសហការគ្នា សាមគ្គីគ្នា និងត្រូវមានឯកភាពផ្ទៃក្នុងក្នុងសហគមន៍តែមួយ។

៥-ជម្រុញ និងគាំទ្រឱ្យមានការរៀបចំការជួបជុំបែបនេះឱ្យបានទៀងទាត់ ដើម្បីបង្ហាញពីសាមគ្គីភាព ការចេះយោគយល និងអធ្យាស្រ័យគ្នារវាងសហគមន៍សាសនាផ្សេងៗគ្នា។

៦-សូមចាត់ទុកសេចក្តីប្រកាសរួម ជាគោលការណ៍សម្រាប់អនុវត្តរួមគ្នា ដើម្បីសុខុមនីយកម្មសាសនានៅកម្ពុជា និងរួមចំណែកអនុវត្តកម្មវិធីនយោបាយរបស់រាជរដ្ឋាភិបាល។

Read more: ឯកឧត្តមទេសរដ្ឋមន្រ្តីអញ្ជើញបិទសិក្ខាសាលាស្ដីពីកិច្ចសន្ទនាអន្តរជំនឿសាសនាដើម្បីពង្រឹងសុខដុមណីយកម្មសាសន...

ក្រសួងធម្មការនិងសាសនាបានរៀបចំសិក្ខាសាលាស្ដីពីកិច្ចសន្ទនាអន្តរជំនឿសាសនាដើម្បីពង្រឹងសុខដុមណីយកម្មសាសនានៅព្រះរាជាណាចក្រកម្ពុជាលើកទី ៨ ក្រោមប្រធានបទ "សាសនិកគ្មានគ្រឿងញៀន និងការគោរពច្បាប់ចរាចរណ៍ផ្លូវគោក "

ព្រឹកថ្ងៃសុក្រ ៤រោច ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ១៥ខែវិច្ឆិកា ឆ្នាំ ២០១៩ ឯកឧត្តម ហ៊ឹម ឆែម ទេសរដ្ឋមន្ត្រីរដ្ឋមន្ត្រីក្រសួងធម្មការនិងសាសនា បានអញ្ជើញចូលរួមកម្មវិធីបើកសិក្ខាសាលាស្ដីពីកិច្ចសន្ទនាអន្តរជំនឿលើសាសនា ដើម្បីពង្រឹងសុខដុមនីយកម្មសាសនានៅព្រះជាណាចក្រកម្ពុជាលើកទី ៨ក្រោមប្រធានបទ "សាសនិកគ្មានគ្រឿងញៀន និងការគោរពច្បាប់ចរាចរណ៍ផ្លូវគោក " ក្រោមអធិបតីភាពដ៏ខ្ពង់ខ្ពស់របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ  ដែលមានការយាងនិមន្ត និងអញ្ជើញចូលរួមពីសំណាក់សម្ដេច ព្រះរាជាគណៈ ព្រះថេរានុត្ថេរ: ឯកឧត្តម លោកជំទាវ លោកឧកញ៉ា ថ្នាក់ដឹកនាំសាសនា និងបរិស័ទ នៃឥស្លាមសាសនា គ្រីស្ទសាសនា និងសាសនិកនៃសាសនាផ្សេងៗសរុបប្រមាណចំនួន ៩០៥អង្គ/នាក់ នៅសាលសន្និសីទចតុម្មុខ។គួរបញ្ជាក់ផងដែរថាអង្គសិក្ខាសាលានេះមានគោលបំណងដើម្បី រួមចំណែកលើកស្ទួយសុខដុមនីយកម្មក្នុងវិស័យសាសនា នៅព្រះរាជាណាចក្រកម្ពុជា  ដែលជាយន្តការមួយសម្រាប់ធម្មកថិក គ្រូគង្វាល គ្រូបង្គោល និងអ្នកផ្តល់ឱវាទសាសនានីមួយៗ ឆ្លៀតឱកាសបញ្ជ្រៀប និងបញ្ចូលផ្សព្វផ្សាយខ្លឹមសារក្នុងប្រធានបទខាងលើរាល់កម្មវិធីនៃការផ្ដល់ឱវាទ និងការប្រៀនប្រដៅនៃសាសនានីមួយៗដើម្បីរួមចំណែកក្នុងការអភិវឌ្ឍសង្គម និងសេដ្ឋកិច្ចជាតិសម្រាប់ជាផលប្រយោជន៍រួមប្រកបដោយសុខដុមរមនា ដែលជាឫសគល់ក្នុងការថែរក្សា និងការពារវប្បធម៌សន្តិភាព ក្រោមការដឹកនាំប្រកបដោយគតិបណ្ឌិតដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ចេញនូវគោលនយោបាយ ផែនការយុទ្ធសាស្រ្ត និងកម្មវិធីនយោបាយរបស់រាជរដ្ឋាភិបាល សម្រាប់ជាត្រីវិស័យក្នុងការដឹកនាំ និងការអនុវត្តគោលនយោបាយវិស័យសាសនា ដោយទទួលបាននូវលទ្ធផលជាផ្លែផ្កាគួរជាទីមោទនៈ។

Read more: ក្រសួងធម្មការនិងសាសនាបានរៀបចំសិក្ខាសាលាស្ដីពីកិច្ចសន្ទនាអន្តរជំនឿសាសនាដើម្បីពង្រឹងសុខដុមណីយកម្មសាសនា...

ធីបុណ្យខួបអនុស្សាវរីយលើទី៦៦(៩ វិច្ឆិកា ១៩៥៣-៩ វិច្ឆិកា ២០១៩) នៃទិវាបុណ្យឯករាជ្យជាតិ ៩វិច្ឆិកា និងទិវាកំណើតនៃកងយោធពលខេមភូមិន្ទ ឆ្នាំ២០១៩

នារសៀលថ្ងៃសុក្រ ១២កើត ខែកត្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ៨ ខែវិច្ឆិកា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្ត្រី រដ្ឋមន្ត្រីក្រសួងធម្មការនិងសាសនា បានដឹកនាំគណៈប្រតិភូក្រសួង បានអញ្ជើញដាក់គម្រងផ្កា និងគោរពវិញ្ញាណក្ខន្ធ នៅវិមានឯករាជ្យ និងថ្វាយកម្រងផ្កា គោរពព្រះវិញ្ញាណក្ខន្ធ ព្រះបាទសម្តេច ព្រះនរោត្តម សីហនុ ព្រះមហាវីរៈក្សត្រ ព្រះវររាជបិតាជាតិខ្មែរ ព្រះបរមរតនកោដ្ឋ នៅមណ្ឌបសួនច្បារខាងកើតវិមានឯករាជ្យ។ 

      ដើម្បីរំលឹកដល់គុណូបការៈរបស់បុព្វការីជន ដែលបានតស៊ូទាមទារឯករាជ្យពីប្រទេសបារាំង ក្រោមព្រះរាជបូជនីយកិច្ចទាមទាររបស់ព្រះករុណាព្រះបាទសម្ដេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ ព្រះបរមរតនកោដ្ឋ។

Read more: ធីបុណ្យខួបអនុស្សាវរីយលើទី៦៦(៩ វិច្ឆិកា ១៩៥៣-៩ វិច្ឆិកា ២០១៩) នៃទិវាបុណ្យឯករាជ្យជាតិ ៩វិច្ឆិកា ...

ឯកឧត្តមទេសរដ្ឋមន្ត្រី រដ្ឋមន្ត្រីក្រសួងធម្មការ និងសាសនា ក្នុងពិធីបិទវគ្គបណ្តុះបណ្តាលស្តីពីតួនាទី ភារកិច្ច និងក្រមសីលធម៌អាចារ្យខ្មែរជំនាន់ទី៣៤

ទីស្តីការក្រសួងៈ រសៀលថ្ងៃព្រហស្បតិ៍ ១១កើត ខែកក្តិក ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី០៧ ខែវិច្ឆិកា ឆ្នាំ ២០១៩ ឯកឧត្តម ហ៊ឹម ឆែម ទេសរដ្ឋមន្រ្តី រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីតួនាទី ភារកិច្ច និងក្រមសីលធម៌អាចារ្យខ្មែរ លើកទី៣៤ ដែល មានសិក្ខាកាមសរុបចំនួនចំនួន ១៧៥ អង្គ/នាក់ ។  ក្នុងនាមក្រសួងធម្មការ និងសាសនា ឯកឧត្តមទេសរដ្ឋមន្ត្រីសូមចូលរួមអបអរសាទរ និងសូមសម្តែងនូវការកោតសរសើរដោយស្មោះចំពោះសិក្ខាកាមអាចារ្យទាំងអស់ ដែលបានបញ្ចប់វគ្គបណ្តុះបណ្តាល ដ៏មានសារៈសំខាន់នេះ។ កិច្ចការនេះ គឺជាសក្ខីភាពយ៉ាងប្រត្យក្ស នៃការខិតខំប្រឹងប្រែងតស៊ូសិក្សា រៀនសូត្រ ក្រេបជញ្ជក់នូវរាល់មុខវិជ្ជាទាំងឡាយ ដើម្បីបំពេញបន្ថែមនូវចំណេះដឹង ក្នុងរយៈពេល០៧ថ្ងៃដ៏មានតម្លៃរបស់អាចារ្យទាំងអស់ផងដែរ។ឆ្លៀតក្នុងឱកាសនេះផងដែរឯកឧត្តមទេសរដ្ឋមន្ត្រីបានកោតសរសើរដោយស្មោះចំពោះថ្នាក់ដឹកនាំនិងមន្ត្រីរាជការនៃក្រសួងធម្មការ និង សាសនា ក៏ដូចជានាយកដ្ឋានស្រាវជ្រាវផ្សព្វផ្សាយព្រះពុទ្ធសាសនាផ្សារភ្ជាប់សង្គម និងអង្គភាពពាក់ព័ន្ធ ដែលមានការយកចិត្តទុកដាក់ និងឆន្ទៈមុះមុតរបស់ឧទ្ទេសាចារ្យ ដែលមានបទពិសោធន៍ និងចំណេះដឹងពីក្រសួងធម្មការនិងសាសនា, ក្រសួងវប្បធម៌ និងវិចិត្រសិល្បៈ និងក្រសួងព័ត៌មាន ដែលខំប្រឹងប្រែងយកចិត្តទុកដាក់ក្នុងការបំពេញការងាររបស់ខ្លួន ប្រកបដោយប្រសិទ្ធភាពខ្ពស់ ក្នុងការបង្ហាត់បង្រៀន ដើម្បីបំពេញបន្ថែមនូវចំណេះដឹងដល់សិក្ខាកាមអាចារ្យ សំដៅរួមចំណែកកសាងធនធានមនុស្ស និងលើកស្ទួយវិស័យវប្បធម៌របស់ជាតិយើង ដើម្បីតម្រង់ទិសក្នុងការរៀបចំពិធីមង្គល និងពិធីបុណ្យផ្សេងៗ រហូត ដល់ទទួលបាននូវសមិទ្ធផលដ៏ត្រចះត្រចង់គួរជាទីមោទន ។ ទន្ទឹមនឹងនេះឯកឧត្តមទេសរដ្ឋមន្រ្តី ក៏បានមានប្រសាសន៍បញ្ជាក់ជូន អំពីគោលនយោបាយឈ្នះៗ របស់សម្តេចអគ្គមហាសេនាបតីតេជោ ហ៊ុន សែន បាននាំមកឲ្យប្រទេស និងប្រជាជនកម្ពុជា នូវសន្តិភាព និងការអភិវឌ្ឍន៍គ្រប់វិស័យ និងសូមចងចាំថារាជរដ្ឋាភិបាលគោរពសិទ្ធិសេរីភាពខាងជំនឿនិងសាសនាលើកស្ទួយព្រះពុទ្ធសាសនាដែលជាសាសនារបស់រដ្ឋនិងបង្កលក្ខណៈសម្បត្តិល្អដល់សកម្មភាពនៃសាសនាផ្សេងៗទៀតដោយផ្អែកលើមូលដ្ឋានថែរក្សាសាមគ្គីរវាងប្រជាជន ស្ថិរភាពនយោបាយនិងសណ្តាប់ធ្នាប់សង្គមដោយរារាំងការរើសអើងនិងការបែងចែកក្នុងសង្គមដែលបណ្តាលមកពីភាពខុសគ្នាខាងជំនឿនិងសាសនា។ ឯកឧត្តមទេសរដ្ឋមន្ត្រី បានផ្តល់អនុសាសន៍មួយចំនួនដល់សិក្ខាកាមជាអាចារ្យដែលបានបញ្ចប់វគ្គបណ្តុះបណ្តាលនេះក្នុងន័យលើកកំពស់ការពង្រឹង ការប្រតិបត្តិនូវប្រពៃណីទំនៀមទម្លាប់ខ្មែរឱ្យបានគត់មត់ ស្របតាមចរន្តហូរចូលនៃសាកលភាវូបនីយកម្ម និងការអភិវឌ្ឍលើគ្រប់វិស័យដូចខាងក្រោម៖

១-អាចារ្យទាំងអស់ត្រូវមានសាមគ្គីភាព កិច្ចសហការ និងទំនាក់ទំនងល្អជាមួយនិងគណៈកម្មការវត្ត ចៅអធិការវត្ត ព្រមទាំងព្រះមេគណ ព្រះអនុគណ មន្ទីរធម្មការ និងសាសនារាជធានី ខេត្ត ក្រុង ស្រុក ខណ្ឌ អាជ្ញាធរមូលដ្ឋាន និងពុទ្ធបរិស័ទមិនប្រកាន់បក្សពួក និងរើសអើងវណ្ណៈសង្គម។

២-ត្រូវខិតខំថែរក្សា និងអភិរក្សនូវកេរ្តិ៍មរតកវប្បធម៌ព្រះពុទ្ធសាសនា និងប្រពៃណី ទំនៀមទម្លាប់ខ្មែរឱ្យស្ថិតស្ថេរគង់វង់ ធ្វើយ៉ាងណារួមគ្នាលើកស្ទួយវិស័យព្រះពុទ្ធសាសនាឱ្យបានថ្កុំថ្កើងរុងរឿង។

៣-អាចារ្យទាំងអស់ត្រូវគោរព និងអនុវត្តឱ្យមានប្រសិទ្ធភាពខ្ពស់នូវរាល់លិខិតបទដ្ឋានដែលមានស្រាប់។

៤-ដើម្បីឱ្យស័ក្តសមជាព្រឹទ្ធាចារ្យ ដែលមានបទពិសោធន៍ និងចំណេះដឹងប្រចាំភូមិ ស្រុក សូមអាចារ្យទាំងអស់ត្រូវប្រកាន់នូវសប្បុរសធម៌ទាំង៧ឱ្យបានខ្ជាប់ខ្ជួន។

៥-អាចារ្យត្រូវបន្តពង្រឹងចំណេះដឹងរបស់ខ្លួន ខិតខំស្រាវជ្រាវគម្ពីរដីការ ក្បួនច្បាប់ របៀបមង្គល និងបុណ្យផ្សេងៗ បន្ថែមទៀត ហើយចងក្រងទុកជាឯកសារ ដើម្បីរួមចំណែកក្នុងការកសាងឯកសារគោលរបស់ក្រសួងធម្មការ និងសាសនា ឱ្យកាន់តែមានមូលដ្ឋានច្បាស់លាស់ និងទទួលយកបានទាំងអស់គ្នា បន្សល់ទុកជាប្រយោជន៍សម្រាប់បច្ឆាជន។

៦-ដោយអាចារ្យដើរតួនាទីជាព្រឹទ្ធាចារ្យ ប្រចាំ ស្រុក ភូមិរបស់ខ្លួននោះ អាចារ្យត្រូវជាគំរូក្នុងការគោរពប្រតិបត្តិព្រះពុទ្ធសាសនា ច្បាប់ ទម្លាប់ សីលធម៌ សុជីវធម៌ ទប់ស្កាត់អំពើហឹង្សាក្នុងគ្រួសារ និងឈានមុខក្នុងការចូលរួមចំណែកអភិវឌ្ឍសង្គម ដើម្បីបង្ហាញជាគម្រូល្អដល់យុវជនជំនាន់ក្រោយរបស់យើង។

៧-ដើម្បីឱ្យប្រជាពលរដ្ឋគោរព ក្នុងឋានៈជាចាស់ព្រឹទ្ធាចារ្យ អាចារ្យទាំងអស់ត្រូវគោរពតួនាទី ភារកិច្ច និងក្រមសីលធម៌អាចារ្យឱ្យបានត្រឹមត្រូវតាមក្បួនតម្រា ដើម្បីដឹកនាំកិច្ចរបៀបមង្គល និងបុណ្យផ្សេងៗ ដោយឈរលើមូលដ្ឋានច្បាប់ទម្លាប់ និងភាពប្រាកដប្រជា។

Read more: ឯកឧត្តមទេសរដ្ឋមន្ត្រី រដ្ឋមន្ត្រីក្រសួងធម្មការ និងសាសនា ក្នុងពិធីបិទវគ្គបណ្តុះបណ្តាលស្តីពីតួនាទី...

ឯកឧត្តមទេសរដ្ឋមន្រ្តីអញ្ជើញជាអធិបតីក្នុងកិច្ចប្រជុំពិភាក្សាគណ:កម្មការអន្តរក្រសួងត្រៀមរៀបចំសិក្ខាសាលាស្តីពីកិច្ចសន្ទនាអន្តរជំនឿសាសនា ដើម្បីសុដុមនីយកម្មសាសនាលើកទី៨ ឆ្នាំ២០១៩

ទីស្ដីការក្រសួង៖រសៀលថ្ងៃពុធ ១០កើត ខែកក្តិកឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៦ ខែវិច្ឆិកា ឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្ដ្រី រដ្ឋមន្រ្តីក្រសួងធម្មការនិងសាសនា បានអញ្ជើញជាអធិបតីរួក្នុងកិច្ចប្រជុំពិភាក្សាគណ:កម្មការអន្តរក្រសួងត្រៀមរៀបចំសិក្ខាសាលាស្តីពីកិច្ចសន្ទនាអន្តរជំនឿសាសនា ដើម្បីសុដុមនីយកម្មសាសនាលើកទី៨ ឆ្នាំ២០១៩ ដែលប្រព្រឹត្តទីនៅថ្ងៃសុក្រ ៤រោច ខែកក្តិក ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៩ខាងមុខនេះ៕

Read more: ឯកឧត្តមទេសរដ្ឋមន្រ្តីអញ្ជើញជាអធិបតីក្នុងកិច្ចប្រជុំពិភាក្សាគណ:កម្មការអន្តរក្រសួងត្រៀមរៀបចំសិក្ខាសាលា...

Flag Counter