ពិធីបិទវគ្គបណ្ដុះបណ្ដាលគ្រូបង្រៀនបឋមសិក្សាចំនួន៦០រូប ក្នុងឆ្នាំសិក្សា២០២០-២០២១

នារសៀលថ្ងៃពហស្បត្តិ៍ ៩រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ១៣ ខែសីហា ឆ្នាំ២០២០ ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញជាអធិបតីភាពរួមជាមួយសម្តេចមហាសុមេធាធីបតីកិត្តិឧទ្ទេសបណ្ឌិត សម្ដេចព្រះសង្ឃនាយក និងជាព្រះអគ្គាធិការដ្ឋានពុទ្ធិកសិក្សាជាតិ ព្រះអគ្គាធិការរង ពុទ្ធិកសិក្សាក្នុងពិធីបិទវគ្គបណ្ដុះបណ្ដាលគ្រូបង្រៀនបឋមសិក្សាចំនួន៦០រូប ក្នុងឆ្នាំសិក្សា២០២០-២០២១ ដែលមានការនិមន្ត អញ្ជើញចូលរួមពី សម្តេចព្រះអគ្គាធិការរង ព្រះរាជាគណៈ ឯកឧត្តម លោកជំទាវ ជា រដ្ឋលេខាធិការ អនុរដ្ឋលេខាធិការ នាយកខុទ្ទកាល័យ អគ្គនាយក ព្រះសាកលវិទ្យាធិការរ ប្រធានផ្នែក នៅអគ្គាធិការដ្ឋានពុទ្ធិកសិក្សាជាតិ។ បន្ទាប់ពីចំណាប់អារម្មណ៍របស់តំណាងសិក្ខាកាម និងរបាយការណ៍បូកសរុបលទ្ធផលនៃវគ្គបណ្ដុះបណ្ដាលគ្រូបង្រៀនពុទ្ធិកបឋមសិក្សាសម្រាប់ឆ្នាំសិក្សា ២០២០- ២០២១ របស់ព្រះសិរីវសុទ្ធិ សុខ សុភាព ព្រះប្រធានផ្នែកពុទ្ធិកបឋមសិក្សា និងធម្មវិន័យរួចមក ឯកឧត្តមរដ្ឋមន្រ្តី បានកោតសរសើរដោយស្មោះ ចំពោះសម្ដេចគ្រប់ព្រះអង្គ ដែលជាថ្នាក់ដឹកនាំអគ្គាធិការដ្ឋានពុទ្ធិកសិក្សាជាតិ ដែលបានខិតខំប្រឹងប្រែងពុះពាររៀបចំដំណើរការវគ្គបណ្ដុះបណ្ដាលនេះឡើង ប្រកបដោយភាពរលូន និងជោគជ័យបើទោះជាស្ថិតក្នុងស្ថានភាពវិបត្តិនៃការរីករាលដាលនៃជំងឺកូវីដ-១៩ ក៏ដោយ។ ឆ្លៀតក្នុងឱកាសនោះ ឯកឧត្តមរដ្ឋមន្រ្តី បានថ្លែងអំណរព្រះគុណនិងអរព្រះគុណដល់សម្ដេចព្រះអគ្គាធិការ សម្ដេចព្រះអគ្គាធិការរង នៃអគ្គាធិការរដ្ឋានពុទ្ធិកសិក្សាជាតិដែលតែងតែបានខិតខំប្រឹងប្រែងនិងយក ចិត្តទុកដាក់បង្កើតឱ្យមានវគ្គបណ្ដុះបណ្ដាលនេះឡើង ក្នុងគោលបំណងពង្រឹង និងពង្រីកប្រសិទ្ធភាពនៃការអប់រំផ្នែកពុទ្ធិកសិក្សា សំដៅរួមចមណែកកសាងធនធានមនុស្ស និងលើកស្ទួយកិត្យានុភាពវិស័យពុទ្ធសាសនានៅកម្ពុជាឱ្យកាន់តែភាពល្បាញល្បីបន្ថែមទៀត។យោងតាមការសង្កេត និងវាយតម្លៃរបស់គណៈកម្មការរៀបចំវគ្គបណ្ដុះបណ្ដាលនេះបានបង្ហាញឱ្យឃើញថា សិក្ឋាកាមមានការចូលរួមយ៉ាងសកម្មក្នុងការពិភាក្សា ការសួសំណួរ និងការយកចិត្តទុកដាក់ ក្នុងការក្រេបជញ្ជក់យកចំណេះដឹងជំនាញនិងវិធីសាស្រ្តថ្មីៗ ដែលគ្រូឧទ្ទេសបានធ្វើបទបង្ហាញ។ ឯកឧត្ដមរដ្ឋមន្រ្តី បានមានប្រសាសន៍ផ្តាំផ្ញើរប្រគេន និងជូនដល់សម្ដេចព្រះគណៈគ្រប់គ្រងនៃអគ្គាធិការដ្ឋាននៃពុទ្ធិកសិក្សាជាតិ សូមបន្តយកចិត្តទុកដាក់លើការបណ្ដុះបណ្ដាលដល់គណៈគ្រប់គ្រងសាលា ក៏ដូចជាគ្រូបង្រៀនគ្រប់កម្រិតបន្ថែមទៀត ក្នុងបព្វហេតុពង្រឹង និងបង្កើនប្រសិទ្ធភាពក្នុងការគ្រប់គ្រង និងការអប់រំរបស់វិស័យពុទ្ធិកសិក្សាគ្រប់កម្រិត ដើម្បីជាប្រយោជន៍ដល់វិស័យព្រះពុទ្ធសាសនានៅកម្ពុជា ឱ្យកាន់តែមានភាពរីកចម្រើនស្របតាមការវិវត្តន៍នៃសម័យកាលបន្ថែមមួយកម្រិតទៀត។ ជាមួយគ្នានោះដែរ ឯកឧត្ដមរដ្ឋមន្រ្តី បានមានប្រសាន៍លើកឡើងបន្តទៀតថា រាជរដ្ឋាភិបាលដែលមានសមេ្តចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឈ្លាសវៃប្រកបដោយគតិបណ្ឌិត បានខិតខំគិតគូរ និងយកចិត្តទុកដាក់ ជានិច្ចលើវិស័យសាសនា ជាពិសេសវិស័យព្រះពុទ្ធសាសនានៅកម្ពុជា ក៏ដូចជាវិស័យពុទ្ធិកសិក្សា តាមរយៈការឧបត្ថម្ភគាំទ្រទាំងបញ្ញា ស្មារតី និងសម្ភារៈ ព្រមទាំងផ្ដល់នូវអនុសាសន៍ល្អៗសម្រាប់ជាទិសដៅអនុវត្តន៍បន្ត ជាក់ស្ដែងតាមអនុក្រឹត្យលេខ ១៦២ អនក្រ.បក សម្ដេចតេជោនាយករដ្ឋមន្រ្តី បានសម្រេចផ្ដល់បច្ច័យនិច្ចភត្តប្រគេនដល់ព្រះមន្រ្តីសង្ឃ និងគ្រូបង្រៀនជាព្រះសង្ឃគ្រប់កម្រិតសិក្សាផងដែរ។

Read more: ពិធីបិទវគ្គបណ្ដុះបណ្ដាលគ្រូបង្រៀនបឋមសិក្សាចំនួន៦០រូប ក្នុងឆ្នាំសិក្សា២០២០-២០២១

ពិធីបើកវគ្គបណ្ដុះបណ្ដាលគ្រូបង្រៀនបឋមសិក្សាចំនួន៦០រូប ក្នុងឆ្នាំសិក្សា២០២០-២០២១

ព្រឹកថ្ងៃចន្ទ ៦រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី ១០ ខែសីហា ឆ្នាំ២០២០ ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញជាអធិបតីភាពរួមជាមួយសម្តេចព្រះវនរ័ត កិត្តិបណ្ឌិត ណយ ច្រឹក  ព្រះអគ្គាធិការរងពុទ្ធិកសិក្សាក្នុងពិធីបើកវគ្គបណ្ដុះបណ្ដាលគ្រូបង្រៀនបឋមសិក្សាចំនួន៦០រូប  ក្នុងឆ្នាំសិក្សា២០២០-២០២១ ដែលមានការនិមន្ត អញ្ជើញចូលរួមពី សម្តេចព្រះអគ្គាធិការរង ព្រះរាជាគណៈ ឯកឧត្តម លោកជំទាវ ជា រដ្ឋលេខាធិការ អនុរដ្ឋលេខាធិការ នាយកខុទ្ទកាល័យ អគ្គនាយក ព្រះសាកលវិទ្យាធិការរ ប្រធានផ្នែក នៅអគ្គាធិការដ្ឋានពុទ្ធិកសិក្សាជាតិ។ ឆ្លៀតក្នុងឱកាសនោះដែរ ឯកឧត្តមរដ្ឋមន្ត្រី បានពាំនាំនូវការផ្ដាំផ្ញើសួរសុខទុក្ខ និងការនឹករលឹកពីសម្ដេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សម្ដេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាប្រធានកិត្តិយសគណបក្សប្រជាជនកម្ពុជា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ដែលសម្តេចតែងតែគិតគូរ និងយកចិត្តទុកដាក់ជានិច្ច ក៏ដូចជាវិស័យពុទ្ធិកសិក្សានៅព្រះរាជាណាចក្រកម្ពុជាទាំងមូលតាមរយៈការឧបត្ថម្ភគាំទ្រ និងការអនុញ្ញាតឱ្យបើកគ្រឹស្ថានពុទ្ធិកសិក្សាជាបន្តបន្ទាប់ ចាប់ពីពុទ្ធិកបឋមសិក្សា រហូតដល់ពុទ្ធិកឧត្តម និងក្រោយឧត្តមសិក្សា ជាដើម។ថ្លែងក្នុងឱកាសនោះ ឯកឧត្តមរដ្ឋមន្រ្តី បានកោតសរសើរ និងថ្លែងអំណរព្រះគុណចំពោះការខិតខំប្រឹងប្រែងរបស់ព្រះសិរិវិសុទ្ធិ សុខ សុភាព ព្រះប្រធានផ្នែកពុទ្ធិកបឋមសិក្សា និងធម្មវិស័យ ក្នុងការសម្រេចបាននូវភាពជោគជ័យជាផ្លែផ្ការបស់អគ្គាធិការដ្ឋានពុទ្ធិកសិក្សាជាតិ ក្នុងការរៀបចំវគ្គបណ្ដុះបណ្ដាលគ្រូបង្រៀនពុទ្ធិកបឋមសិក្សានេះឡើងកាលពីឆ្នាំ២០១៩ កន្លងមក។ ឯកឧត្ដមរដ្ឋមន្រ្តី បានមានប្រសាសន៍ផ្តាំផ្ញើរប្រគេន និងជូនដល់ព្រះអង្គ លោកគ្រូ អ្នកគ្រូ ជាសិក្ខាកាមដែលបានទទួលការបណ្ដុះបណ្ដាលនាពេលនេះ សូមយកចិត្តទុកដាក់ស្ដាប់តាមការបង្រៀនរបស់គ្រូឧទ្ទេស ដែលជាអ្នកមានជំនាញ និងបច្ចេកទេស ដើម្បីទទួលបាននូវគុណភាពនៃការអប់រំប្រកបដោយសីលធម៌ គុណធម៌ ឧត្ដមគតិ និងមនសិកាខ្ពស់ មួយកម្រិតទៀត ហើយឯកឧត្តមរដ្ឋមន្រ្តី ក៏សូមបន្តគាំទ្រឱ្យមានវគ្គបណ្ដុះបណ្ដាលនេះបន្តនៅឆ្នាំសិក្សាបន្តបន្ទាប់ទៀត។ ជាមួយគ្នានោះដែរ ឯកឧត្ដមរដ្ឋមន្រ្តី បានមានប្រសាន៍លើកឡើងបន្តទៀតថា រាជរដ្ឋាភិបាលដែលមានសមេ្តចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឈ្លាសវៃប្រកបដោយគតិបណ្ឌិត បានខិតខំយកអស់កម្លាំងកាយចិត្ត បញ្ញា ស្មារតីក្នុងការជម្រុញ និងគាំទ្រតាមគ្រប់រូបភាពដល់ក្រសួងធម្មការ និងសាសនា ដែលមានអគ្គាធិការដ្ឋានពុទ្ធិកសិក្សាជាតិជាចំណុះ ក្នុងការដឹកនាំផ្ទាល់សម្រាប់វិស័យនេះ។ ដើម្បីពង្រឹង និងពង្រីកវិស័យពុទ្ធិកសិក្សាឱ្យមានទាំងបរិមាណ និងគុណភាព រាជរដ្ឋាភិបាល ក៏បានដាក់បញ្ចូលការពង្រីកពុទ្ធិកសិក្សាជាកម្មវិធីនយោបាយ ដោយបានចែងថា "បន្តគោរពសេរីភាពខាងជំនឿ និងសាសនា លើកស្ទួយព្រះពុទ្ធសាសនា ដែលជាសាសនារបស់រដ្ឋ ជាពិសេសការបន្តពង្រឹង និងពង្រីកពុទ្ធិកសិក្សានៅគ្រប់កម្រិត ការបោះពុម្ពផ្សព្វផ្សាយគម្ពីរដីកា ក្បួនច្បាប់នានា និងកិច្ចប្រតិបត្តិធម្មវិន័យ ទន្ទឹមនេះគាំទ្រសកម្មភាព នៃសាសនាផ្សេងៗទៀតក្នុងសង្គម”។

Read more: ពិធីបើកវគ្គបណ្ដុះបណ្ដាលគ្រូបង្រៀនបឋមសិក្សាចំនួន៦០រូប ក្នុងឆ្នាំសិក្សា២០២០-២០២១

ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីភាពក្នុងពិធីប្រគល់បាសាំងទឹក និងកសាងអណ្តូងទឹកសម្រាប់ប្រើប្រាស់ក្នុងវិហារអ៊ីស្លាមទូទាំងខេត្តតាកែវ

ខេត្តតាកែវ៖ ព្រឹកថ្ងៃសៅរ៍ ៤រោច ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៨ ខែសីហា ឆ្នាំ២០២០ ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីភាពក្នុងពិធីប្រគល់បាសាំងទឹក និងកសាងអណ្តូងទឹកសម្រាប់ប្រើប្រាស់ក្នុងវិហារអ៊ីស្លាមទូទាំងខេត្តតាកែវ និងចែកកញ្ចប់អាហារ ថ្នាំពេទ្យដល់ប្រជាពលរដ្ឋរងផលប៉ះពាល់ដោយវិបត្តិកូវីដ-១៩ ចំនួន២០០គ្រួសារ និងជំងឺគ្រុនឈឹកដែលទើបដែលកើតថ្មីៗ ដោយមានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ អភិបាលនៃគណៈអភិបាលខេត្ត អគ្គនាយក នាយកខុទ្ទកាល័យ  គណៈអ៊ីម៉ាំខេត្តស្រុក ស្ថិតនៅភូមិចុងខ្នុល សង្កាត់បារាយណ៍ ក្រុងដូនកែវ ខេត្តតាកែវ។ ក្នុងឱកាសនោះដែរ ឯកឧត្តមរដ្ឋមន្ត្រី បានពាំនាំនូវការផ្ដាំផ្ញើសួរសុខទុក្ខ និងការនឹករលឹកពីសម្ដេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សម្ដេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា និងជាប្រធានកិត្តិយសគណបក្សប្រជាជនកម្ពុជា និងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា ដែលសម្តេចតែងតែគិតគូរ និងយកចិត្តទុកដាក់ជានិច្ច លើវិស័យសាសនានៅព្រះរាជាណាចក្រកម្ពុជា ក៏ដូចជាសាសនាឥស្លាមផងដែរ។ ថ្លែងក្នុងឱកាសនោះ ឯកឧត្តមរដ្ឋមន្រ្តី បានកោតសរសើរ និងវាយតម្លៃខ្ពស់ចំពោះថ្នាក់ដឹកនាំឥស្លាមគ្រប់លំដាប់ថ្នាក់ គណៈដឹកនាំជាន់ខ្ពស់ នៃសាសនាឥស្លាមកម្ពុជា ជាពិសេស ឯកឧត្តម ហូសេន មហាំម៉ាត់ហ្វារីត ដែលខិតខំស្វែងរកជំនួយមនុស្សធម៌ ចែករំលែកជូនបងប្អូនប្រជាពលរដ្ឋខ្វះខាត ដូចពេលនេះ បានយ៉ាងល្អប្រសើរ និងអធិកអធមគួរជាទីមោទនៈ និងក្នុងរយៈពេលកន្លងមកនេះ ស្ថាប័នគណៈដឹកនាំជាន់ខ្ពស់នៃសាសនាឥស្លាមកម្ពុជា ថ្នាក់ដឹកនាំឥស្លាម អង្គការ សមាគមឥស្លាមក្នុងប្រទេសនិងក្រៅប្រទេស មានសកម្មភាពដូចភ្លៀងរលឹម នៅក្នុងសហគមន៍ឥស្លាមរបស់ខ្លួនជាអាទិ៍មាន ៖ ការកសាងវិហារ សាលារៀនឥស្លាម អណ្ដូងតូចធំ បង្គន់អនាម័យ ការបើកវគ្គសិក្ខាសាលា ការចុះអប់រំ ណែនាំ ផ្សព្វផ្សាយ ស្ដីពីអំពើល្អរបស់សាសនាឥស្លាម, ការកសាងអំពើល្អ ហាមឃាត់អំពើអាក្រក់ ដើម្បីចូលរួមចំណែក ក្នុងការអភិវឌ្ឍសហគមន៍បងប្អូននិងសង្គមជាតិ ស្ដីពីការងារគ្រប់គ្រងរបស់ថ្នាក់ដឹកនាំឥស្លាម ចំពោះសហគមន៍របស់ខ្លួន។ ឯកឧត្ដមរដ្ឋមន្រ្តី បានផ្តាំផ្ញើរឱ្យអាជ្ញាធរនិងសមត្ថកិច្ចគ្រប់លំដាប់ថ្នាក់ត្រូវជួយប្រជាពលរដ្ឋជម្នះពុះពារបញ្ហាប្រឈមជាចម្បងក្នុងជីវភាពរស់នៅប្រចាំថ្ងៃ និងអនាម័យ ដើម្បីបង្ការកុំឱ្យឆ្លងជំងឺកូវីដ-១៩ និងទប់ស្កាត់ និងការពារជំងឺគ្រុនឈីកផងដែរជាមួយគ្នានោះដែរ ឯកឧត្ដមរដ្ឋមន្រ្តី បានមានប្រសាន៍លើកឡើងថា រាជរដ្ឋាភិបាលដែលមានសមេ្តចអគ្គមហាសេនាបតីតេជោ ហ៊ុន សែន ជាប្រមុខដឹកនាំដ៏ឈ្លាសវៃប្រកបដោយគតិបណ្ឌិត បាននឹងខិតខំយ៉ាងសកម្មប៓ផុតក្នុងការរក្សាសុខសន្តិភាព ស្ថេរភាព សុវត្ថិភាព ការពង្រឹង និងពង្រីកខឿនសេដ្ឋកិច្ចជាតិ និងការធ្វើឱ្យមានវឌ្ឍនភាពវប្បធម៌ ប្រពៃណី ក៏ដូចជាការបង្កនូវបរិយាកាសយោគយល់ ចុះសម្រុងគ្នា និងភាពសុខដុមរមនា រវាងសាសនិកនៃសាសនាទាំងឡាយនៅកម្ពុជា ដើម្បីឈានទៅកាន់ការអភិវឌ្ឍសង្គមជាតិ។ រាជរដ្ឋាភិបាលតែងតែស្វាគមន៍ជានិច្ចនូវរាល់សកម្មភាពគ្រប់សាសនានៅកម្ពុជា ដែលមានលក្ខណៈជាការអភិវឌ្ឍសង្គមជាតិ ដោយគោរពច្បាប់ប្រទេសជាតិ។ បន្ថែមពីនេះទៀត តាមរយៈក្រសួងធម្មការ និងសាសនា អង្គការក្រុមប្រឹក្សាស៊ីស្លាមអភិវឌ្ឍន៍កម្ពុជា ក៏បាននាំយកអំណោយផ្ដល់ជូន បងប្អូនប្រជាពលរដ្ឋ ខ្វះខាតចំនួន ២០០គ្រួសារ ដោយក្នុងមួយគ្រួសារៗ ទទួលបាន៖ អង្ករ ១០គីឡូ ទឹកស៊ីអ៊ីវ កន្លះយួរ ស្កសរ ២គីឡូ មី ៦កញ្ចប់ ត្រីខ ៣កំប៉ុង ទឹកក្រូច ៣លីត្រ ចំនួន ១ដប ដើម្បីសម្រាប់បងប្អូនប្រជាពលរដ្ឋសម្រាប់ដោះស្រាយជីវភាពប្រចាំថ្ងៃ។

Read more: ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញជាអធិបតីភាពក្នុងពិធីប្រគល់បាសាំងទឹក...

សំណៅផ្ដាម សិលាចារឹក វត្ត គិរីស្ដេចគង់

កាលពីល្ងាចថ្ងៃពុធ ទី៥ ខែសីហា ឆ្នាំ២០២០ ពុទ្ធសាសនបណ្ឌិត្យបានទទួលសំណៅផ្ដាមសិលាចារឹកវត្តគិរីស្ដេចគង់ ឬហៅថា សិលាចារឹកសុវណ្ណភូមិ ដើម្បីដាក់តាំងនៅក្នុងសាលប្រជុំ ពីលោកគ្រូ ហ៊ុន ឈុនតេង ដែលជាអ្នកផ្ដាមផ្ទាល់ និងដោយមានការអនុញ្ញាតពីលោក ឆាយ វិសុទ្ធ ប្រធានសារៈមន្ទីរជាតិ។ សេចក្ដីលំអិតពីសិលាចារឹកនេះ មានបោះពុម្ពផ្សាយក្នុងសៀវភៅទស្សនាវដ្ដីកម្ពុជសុរិយាលេខ៤ ឆ្នាំ២០១៩ មានអត្ថបទសិក្សាដោយអ្នកស្រាវជ្រាវផ្នែកសិលាចារឹកល្បីៗគឺ:

១. ប្រវត្តិសិលាចារឹក និងស្ថាននាម «សុវណ៌្ណភូមិ» ដោយលោកបណ្ឌិត វង់ សុធារ៉ា (Vong Sotheara)

២. អំណានអត្ថបទនិងលក្ខណៈតួអក្សរចារឹក ដោយលោក ហ៊ុន ឈុនតេង (កខគ ឃង)

៣. សេចក្តីប្រែនិងសេចក្តីអត្ថាធិប្បាយ ដោយបណ្ឌិត ឆោម គន្ធា

 

សូមថ្លែងអំណរគុណដ៏ជ្រាលជ្រៅ ។

More Articles...

  1. ឯកឧត្តម ឈិត សុខុន រដ្ឋមន្រ្តី ក្រសួងធម្មការ និងសាសនា បានអញ្ជើញដឹកនាំកិច្ចប្រជុំស្ដីពីការបូកសរុបលទ្ធផលការងារវិស័យធម្មការ និងសាសនាប្រចាំខែកក្កដា ឆ្នាំ២០២០ និងលើកទិសដៅអនុវត្តន៍ខែបន្ត
  2. សារលិខិត​រំលែកទុក្ខជូនក្រុមគ្រួសារសព លោក​គ្រូ​ព្រឹទ្ធសាស្ត្រាចារ្យ វិជ្ជា​ធម្មគរុ បណ្ឌិត ទេព ផុន
  3. ពិធីប្រគល់ព្រះរាជសង្ឃប្រកាស និងសេចក្ដីសម្រេចតែងតាំងលោកជំទាវសប្បុរសជនចំនួន ២១រូប ជាឧត្តមប្រឹក្សាផ្ទាល់-ទីប្រឹក្សាផ្ទាល់សម្ដេចព្រះអភិសិរីសុគន្ធាមហាសង្ឃរាជាធិបតី កិត្តិឧទ្ទេសបណ្ឌិត បួរ គ្រី
  4. ឯកឧត្តម ឈិត សុខុន រដ្ឋមន្ត្រីក្រសួងធម្មការ និងសាសនា បានអញ្ជើញក្រាបថ្វាយបង្គំសម្តេចព្រះសាក្យមុនីកិត្តិបណ្ឌិតទស្សនវិជ្ជា រ័ត្ន សារឿន សមាជិកថេរសភានៃព្រះពុទ្ធសាសនា ព្រះអគ្គាធិការរង ព្រះអនុគណខណ្ឌសែនសុខ និងជាព្រះចៅអធិការវត្តសុវណ្ណមុនីសាគរ ហៅវត្តសំរោងអណ្តែត

Flag Counter