ពុទ្ធសាសនបណ្ឌិត្យ

ពីធីបុណ្យវិសាខបូជា ១៨/០៦/២០១៩

នៅថ្ងៃ សៅរ៍ ១៥ កើត ខែ ពិសាខ ឆ្នាំកុរ ឯកស័ក ព.ស.២៥៦២ ត្រូវនិងថ្ងៃទី ១៨ ខែឧសភា ឆ្នាំ ២០១៩ ឯកឧត្តមទេសរដ្ឋមន្ត្រី ហ៊ឹម ឆែម និង លោកជំទាវ ដឹកនាំប្រតិភូ ក្រសួងធម្មការ ចូលរួមប្រារព្ធពិធីបុណ្យវិសាខបូជា នៅភ្នំព្រះរាជទ្រព្យ ស្រុក ឧត្តុង្គ ខេត្ត កំពង់ស្ពឺ ។ 

ពិធីបុណ្យវិសាខបូជា គឺជាពិធីមួយយ៉ាងធំក្នុងព្រះពុទ្ធសាសនារាប់ថាជាពុទ្ធានុស្សរណាកិច្ចដ៏សំខាន់សម្រាប់រំលឹកដល់ព្រះពុទ្ធសមណគោតម បរមគ្រូ នាថ្ងៃពេញបូណ៌ (គឺថ្ងៃ១៥កើត) ខែពិសាខ ដែលពុទ្ធសាសនិកទាំងព្រះសង្ឃ  ទាំងគ្រហស្ថ តែងធ្វើសក្ការបូជាប្រកបដោយជំនឿថា ជាមហាកុសលដ៏ប្រសេរី។ 

      ការដែលប្រារព្ធពិធីបូជានាថ្ងៃ ១៥កើត  ខែពិសាខនេះ អាស្រ័យដោយលោកអ្នកប្រាជ្ញាខាងពុទ្ធសាសនា បានកំណត់ទុកក្នុងគម្គីរ បឋមសម្ពោធិថា ជាមហាមង្គលអភិលក្ខិតកាលគឺ ជាថ្ងៃមហាមង្គល ត្រូវនឹងថ្ងៃដែលព្រះសម្មាសម្ពុទបរមគ្រូ :

  ១-ទ្រង់ប្រសូតចាកឧទរមាតា : ថ្ងៃសុក្រ  ពេញបូណ៌មី ខែពិសាខ  ឆ្នាំច មុន ព.ស.៨០ឆ្នាំ។

 ២-ទ្រង់ត្រាស់ដឹងអនុត្តរសម្មាសម្ពោធិញ្ញាណ : ថ្ងៃ ពុធ ពេញបូណ៌មី ខែពិសាខ ឆ្នាំរកា   មុនព.ស.៤៥ឆ្នាំ ។

  ៣-ទ្រង់រំលត់ខន្ធចូលកាន់ព្រះបរិនិព្វាន :  ថ្ងៃអង្គារ ពេញបូណ៌មី ខែពិសាខ ឆ្នាំម្សាញ់  ជាការចាប់ផ្តើមពុទ្ធសករាជ ។

ក្រោមអធិបតីភាព សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងព្រះគណៈអធិបតីភាព សម្តេចព្រះមហាសង្ឃរាជទាំងពីរគណៈ 

នាយកដ្ឋានកិច្ចការព្រះពុទ្ធសាសនាបានរៀបចំបច្ច័យ ទេយ្យទាន ជូនឯកឧត្តមទេសរដ្ឋមន្ត្រីនិងលោកជំទាវ ដើម្បីដាក់បាត្រប្រគេនព្រះសង្ឃចំនួន ៣០០ អង្គ(៨០ផ្លូវការ) ក្នុងពិធីនោះផងដែរ។

Read more: ពីធីបុណ្យវិសាខបូជា ១៨/០៦/២០១៩

ពិធីចុះសួរសុខទុក្ខ​កងទ័ព​នៅ​ក្នុង​បញ្ជាការដ្ឋាន​បញ្ជូន​សារ អគ្គបញ្ជាការ

ព្រឹកថ្ងៃសៅរ៍ ១កើត ខែពិសាខ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី៤ ខែឧសភាឆ្នាំ២០១៩ ឯកឧត្តម ហ៊ឹម ឆែម ទេសរដ្ឋមន្ត្រី រដ្ឋមន្ត្រីក្រសួងធម្មការនិងសាសនា និងលោកជំទាវ សួស ណារ៉ា អមដំណើរដោយ ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ទីប្រឹក្សា អគ្គនាយក លោក លោកស្រីអគ្គនាយករង ប្រធាននាយកដ្ឋាន ប្រធានមន្ទីរ និងមន្ត្រីរាជការ បានចុះសាកសួរសុខទុក្ខនិងនាំយកគ្រឿងឧបភោគ បរិភោគ និងថវិកាជូនមេបព្ជាាការ ២០មុឺន មេបញ្ជាការរង ១៤នាក់ក្នុង១នាក់១០មុឺន សេនាធិការរង ២៧ ក្នុងមួយនាក់ ៥ម៉ឺនរៀលនិងពលទាហាន៤០០នាក់ក្នុង១នាក់ ថវិកា២មុឺនរៀល ជូនអង្គភាព ថវិកា២លានរៀល  នៃបញ្ជាការដ្ឋានបញ្ជូនសារ ដែលបានបំពេញភារកិច្ចបម្រើប្រទេសជាតិនិងការពារសន្តិសុខជូនប្រជាពលរដ្ឋទូទាំងប្រទេស។

ថ្លែងឱកាសនោះ ឯកឧត្តមទេសរដ្ឋមន្រ្តីក៏បានពាំនាំសេចក្ដីផ្ដាំផ្ញើរសួរសុខទុក្ខ និងក្ដីនឹករលឹកពី សំណាក់ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចពញាចក្រី ហេង សំរិន ព្រធានរដ្ឋសភា នៃព្រះរាជាណាចក្រកម្ពុជា និងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ជូនចំពោះ មេបញ្ជាការ មេបញ្ជាការរង នាយទាហាន នាយទាហានរង  និង ពលទាហាន ក្នុងបញ្ជាការដ្ឋានបញ្ចូនសារទាំងអស់ និង   ក្រុម គ្រួសារ និងសូមជូនពរឲ្យបងប្អូនទាំងអស់គ្នា ជួបតែសេចក្ដីសុខចម្រើន និង ជោគជ័យគ្រប់ភារកិច្ច។             

    ឯកឧត្តមទេសរដ្ឋមន្ត្រីបានមានប្រសាសន៍ថា ការចុះសាកសួរសុខទុក្ខបងប្អូនកងទ័ព នៃបញ្ជាការដ្ឋានបញ្ចូនសារនាពេលនេះ គឺ ជា ភស្តុតាង បញ្ជាក់ពីការយកចិត្តទុកដាក់របស់រាជរដ្ឋាភិបាលកម្ពុជាដឹកនាំដោយសម្តេចតេជោ ហ៊ុន សែន  ដែលតែងតែស្រឡាញ់កងទ័ពយើង និងបញ្ជាក់ពីចលនាស្នេហាជាតិ និងការពារជាតិរបស់ប្រជាជនយើងទាំងមូលបាន ដែលកំពុងក្លាយជាចលនាជាតិមួយយ៉ាងខ្លាំងក្លា។ ប្រជាជនយើងទូទាំងប្រទេសគ្រប់និន្នាការនយោបាយ បានឯកភាព និងគាំទ្រយ៉ាងពេញទំហឹង   ចំពោះគោល នយោបាយរបស់រាជរដ្ឋាភិបាលលើការការពារ បូរណភាព  ដែនដី ប្រឆាំងនឹងការឈ្លានពានពីបរទេស។

    ឯកឧត្តមទេសរដ្ឋមន្រ្តីបានប្រសាសន៍បន្តទៀតថា ទោះជាយើងទទួលបានសុខសន្តិភាព និងមានការ រីកចំរើនលើគ្រប់វិស័យ ដូចយើងឃើញ នៅពេលនេះក្តីយើងមិនត្រូវភ្លេចថា យើងពិតជាបានឆ្លងកាត់ការលំបាក ការបូជា និងការខិតខំច្រើនណាស់។ យើងពិតជាចងចាំបានថារបបប៉ុលពត ៣ឆ្នាំ ៨ខែ ២០ថ្ងៃ បានប្រែក្លាយមាតុភូមិកម្ពុជាយើងទៅជាវាលពិឃាត និងវិនាសកម្មយ៉ាងខ្លោចផ្សា។ ប្រជាពលរដ្ឋ ស្លូតត្រង់ ត្រូវបានសម្លាប់ ឬរស់នៅដូចសត្វតិរច្ឆាន ដោយត្រូវ ទទួលរងទារុណកម្ម ធ្វើការជាទាសករ និងរស់នៅក្នុង គុកឥតជញ្ជាំង។ ខឿនសេដ្ឋកិច្ចទាំងមូល រួមនឹងជំនឿ    សាសនា ត្រូវបានបំផ្លាញខ្ទេចខ្ទីទាំងស្រុង។ តាមរយៈនយោបាយឈ្នះ-ឈ្នះ សម្តេចអគ្គមហាសេនាបតី តេជោ  ហ៊ុន សែន នៅដើមឆ្នាំ១៩៩៩ បាន អនុវត្តដោយជោគជ័យនូវដំណើរការសមាហរណកម្ម អតីតតំបន់ត្រួតត្រាដោយខ្មែរក្រហម ចូលក្នុងសង្គមជាតិ និងធ្វើ សន្តិភាវូបនីយកម្ម ប្រទេសជាតិទាំងមូល លើមូលដ្ឋានបង្រួបបង្រួមជាតិ ដែលបាននាំមកនូវសន្តិភាព ឯកភាពជាតិ និង  ឯកភាពទឹកដីទាំងស្រុង ។

    ឯកឧត្តមទេសរដ្ឋមន្រ្តីក៏បានថ្លែង អំណរគុណដល់សម្តេច ព្រះរាជាគណៈ ព្រះមេគណ ព្រះអនុគណ និងព្រះមន្រ្តីសង្ឃគ្រប់ឋានានុក្រម និងថ្នាក់ដឹកនាំគ្រប់លំដាប់ថ្នាក់ និង មន្រ្ដីរាជការ នៃក្រសួងធម្មការនិងសាសនា ក្រុមហ៊ុនម៉ុងឬទ្ធីគ្រុប អង្គការជប៉ុនអាស៊ីនេតវើក  រួមទាំងបណ្ដាសម្បុរសជនទាំងអស់ ដែលបានចូលរួមបរិច្ចាកធនធាន មានទាំងសម្ភារៈ និងថវិកា ដើម្បី រួមចំណែកជួយគាំទ្រ  និងលើក ទឹកចិត្ដដល់ កងទ័ពអង់អាចក្លាហានរបស់យើង ដែលកំពុងឈរជើងប្រចាំការបំពេញ ភារកិច្ច ដ៏ឧត្តមការពារបូរណភាពទឹកដីក្នុងភូមិសាស្រ្ដ នេះកាន់តែមាន កម្លាំងចិត្ត និង ភាពកក់ក្ដៅថែមទៀត៕

Read more: ពិធីចុះសួរសុខទុក្ខ​កងទ័ព​នៅ​ក្នុង​បញ្ជាការដ្ឋាន​បញ្ជូន​សារ អគ្គបញ្ជាការ

ប្រតិភូអង្គការពុទ្ធសាសនាជប៉ុនទស្សនកិច្ចពុទ្ធសាសនបណ្ឌិត្យ

ថ្ងៃ១៣រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃព្រហស្បតិ៍ ទី០២ ខែឧសភា ឆ្នាំ២០១៩ ពុទ្ធសាសនបណ្ឌិត្យបានទទួលប្រតិភូដឹកនាំដោយ លោក មីយ៉ាម៉ុតុ យូហ្សីយ៉ាគី (Miyamoto Yoshiaki) ជាប្រធានសាខាអង្គការ រីស្សូ កូសីកៃ តំបន់អូដេត (Ohdate) ដើម្បីស្វែងយល់ពីប្រវត្តិ និងដំណើរការរបស់ពុទ្ធសាសនបណ្ឌិត្យ ។ លោក ស សុខនី ប្រធានពុទ្ធសាសនបណ្ឌិត្យ បានធ្វើសេចក្ដីរាយការណ៍ពីប្រវត្តិសង្ខេប និងស្នាដៃរបស់ពុទ្ធសាសនបណ្ឌិត្យ ជូនដល់ប្រតិភូដើម្បីជ្រាប ។ ដោយ លោក មីយ៉ាម៉ុតុ យូហ្សីយ៉ាគី បានថ្លែងកោតសរសើរដល់សមិទ្ធផលនានាដែលថ្នាក់ដឹកនាំនិងមន្ត្រីរាជការបុគ្គលិកពុទ្ធសាសនបណ្ឌិត្យសម្រេចបាន។ បន្ទាប់ពីនេះមក គណៈប្រតិភូ បានទស្សនាបណ្ណាល័យ ព្រមទាំងពិនិត្យមើលដើមទ្រាំងដែលមានដុះក្នុងបរិវេណនេះ។

Read more: ប្រតិភូអង្គការពុទ្ធសាសនាជប៉ុនទស្សនកិច្ចពុទ្ធសាសនបណ្ឌិត្យ

Flag Counter