ថ្ងៃទី២៣ ខែមីនា ឆ្នាំ២០១៥
កំពង់ចាមៈ អណ្ដូងទឹកស្នប់ទាំងប្រាំដែលជាអំណោយរបស់អង្គការ Mekong Dialough ត្រូវបានប្រគល់ឲ្យ ប្រើប្រាស់ជូនប្រជាពលរដ្ឋក្នុងទាំងបីឃុំ ក្នុងស្រុកកងមាស ខេត្តកំពង់ចាម ក្រោមអធិបតីភាព លោក មិន ឃិន ប្រធានក្រុមការងារថ្នាក់ជាតិចុះជួយស្រុកកងមាស កាលពីរសៀលថ្ងៃទី២២ ខែមីនា ឆ្នាំ២០១៥ ដែលពិធីប្រគល់នេះស្ថិតនៅភូមិស្វាយស្រណោះ ឃុំរការអារ ស្រុកកងមាស ខេត្តកំពង់ចាម។
ថ្ងៃទី១៧ ខែមីនា ឆ្នាំ២០១៥
ភ្នំពេញៈ ប្រពៃណីព្រះពុទ្ធសាសនានិងប្រពៃណីខ្មែរដ៏ល្អផូរផង់គឺជាមូលដ្ឋានគ្រឹះនៃវប្បធម៌ជាតិ សីលធម៌ គតិបណ្ឌិតនិងវិថីជីវិត ដើម្បីជួយដល់ប្រជាជនឲ្យមានជីវិតរុងរឿង សាមគ្គីធម៌ ភាតរភាព សុខុមាលភាព អភិវឌ្ឍសង្គមដូចនេះដើម្បីរក្សាបាននូវវប្បធម៌ប្រពៃណីដ៏ល្អរបស់ជាតិយើង មានតែតាមរយៈវិធានការអប់រំនិងរួមគ្នាអភិរក្សឲ្យបានជាដាច់ខាតពីសំណាក់លោកអាចារ្យ-អាចារិនីខ្មែរទូទាំងប្រទេស។ ការលើកឡើងបែបនេះខណៈពេល លោក មិន ឃិន រដ្ឋមន្ត្រីក្រសួងធម្មការនិងសាសនា អញ្ជើញជាអធិបតីពិធីសន្និបាតបូកសរុបសកម្មភាពនិងលទ្ធផលការងារសមាគមអាចារ្យខ្មែរលើកទី២ប្រចាំឆ្នាំ២០១៤និងទិសដៅការងារសម្រាប់អនុវត្តឆ្នាំបន្ត២០១៥ នាបរិវេណក្រសួងធម្មការនិងសាសនា នារថ្ងៃ១៧ ខែមីនា ឆ្នាំ២០១៥ និងមានការនិមន្តអញ្ជើញចូលរួមពីព្រះសង្ឃ អាចារ្យ អាចារិនីចំនួន៣០៦អង្គ នាក់។
ព្រឹកថ្ងៃទី១១ ខែមីនា ឆ្នាំ២០១៥ នាបរិវេណមន្ទីរធម្មការនិងសាសនាខេត្តកំពង់ស្ពឺ ឯកឧត្តម មិន ឃិន រដ្ឋមន្ត្រីក្រសួងធម្មការនិងសាសនានិងលោកជំទាវ រួមជាមួយ លោកជំទាវ ទឹម សាវ៉ាត អភិបាលរងនៃគណៈអភិបាលខេត្តកំពង់ស្ពឺអញ្ជើញជាអធិបតីក្នុងពិធីផ្សព្វផ្សាយខ្លឹមសារអនុសំវច្ឆរៈមហាសន្និបាតមន្ត្រីសង្ឃលើកទី២៣។
អានបន្ត៖វត្តអារាមនិងព្រះសង្ឃជាថ្នាលបណ្ដុះបញ្ញាញាណដល់សង្គម