ថ្ងៃទី១៩ ខែមិថុនា ឆ្នាំ២០១៤
រាជធានីភ្នំពេញៈដោយមានកិច្ចសហប្រតិបត្តិការ និងឧបត្ថម្ភពីអង្គការក្រៅរដ្ឋាភិបាលដែលរួមមានអង្គការវិទ្យាស្ថានបើកទូលាយ អង្គការសន្តិស្ម័គ្រចិត្តជប៉ុន និងមូលនិធិខ្មែរសម្រាប់ការសិក្សា នាព្រឹកថ្ងៃទី ១៩ ខែមិថុនា ឆ្នាំ២០១៤ វិទ្យាស្ថានពុទ្ធសាសនបណ្ឌិត្យ នៃក្រសួងធម្មការ និងសាសនា បានបើកកិច្ចប្រជុំស្តីពីការអភិរក្សឯកសារ គម្ពីរ ក្បួនច្បាប់ក្នុងសម័យព័ត៌មានវិទ្យា ដែលកិច្ចប្រជុំនេះធ្វើឡើងក្រោមអធិបតីភាព លោក មិន ឃិន រដ្ឋមន្ត្រីក្រសួងធម្មការនិងសាសនា។
អានបន្ត ៖ កិច្ចប្រជុំស្តីពីការអភិរក្ស ឯកសារ គម្ពីរ ក្បួនច្បាប់ ក្នុងសម័យព័ត៌មានវិទ្យា
ថ្ងៃទី៩ ខែមិថុនា ឆ្នាំ២០១៤
ខេត្តកំពង់ចាម៖ វិស័យពុទ្ធិកសិក្សាបានបណ្តុះបណ្តាលព្រះសង្ឃតាំងពីថ្នាក់ធម្មវិន័យថ្នាក់បឋមសិក្សារហូតដល់ថ្នាក់ ឧត្តមសិក្សាដែលចាប់ផ្តើម តំបូងក្នុងឆ្នាំ១៩៨៨ក្រោមការដឹកនាំរបស់រណសិរ្សសាមគ្គីសង្គ្រោះជាតិកម្ពុជា បច្ចុប្បន្នបានប្តូរឈ្មោះជា “រណសិរ្សសាមគ្គីអភិវឌ្ឍន៍មាតុភូមិកម្ពុជា” ដែលមានសម្តេចទាំងបីជាប្រមុខដឹកនាំបានធ្វើឲ្យវិស័យពុទ្ធិកសិក្សាមានការរីកចំរើនជា បន្តបន្ទាប់។ ការបញ្ជាក់យ៉ាងដូច្នេះ ខណៈពេល លោក មិន ឃិន រដ្ឋមន្ត្រីក្រសួងធម្មការនិងសាសនាអញ្ជើញបើកបវេសនកាល ឆ្នាំសិក្សាថ្មី២០១៤-២០១៥នៃពុទ្ធិកសាកលវិទ្យាល័យសម្តេចអគ្គមហាសេនាបតីតេជោ ហ៊ុន សែន កំពង់ចាម។
អានបន្ត ៖ លោក មិន ឃិន៖ ពុទ្ធិកសិក្សាជាមូលដ្ឋានគ្រឹះនៃអក្សរសាស្ត្រជាតិ
ថ្ងៃទី០២ ខែមិថុនា ឆ្នាំ២០១៤
រាជធានីភ្នំពេញៈ រសៀលថ្ងៃទី០២ ខែមិថុនា ឆ្នាំ២០១៤ នៅទីស្តីការក្រសួង លោក មិន ឃិន រដ្ឋមន្ត្រីក្រសួងធម្មការនិងសាសនាបានដឹកនាំកិច្ចប្រជុំក្រុមការងារអនុគណៈកម្មការពិធីការសាសនានិងព្រះរាជប្បវេណីស្តីពីការរៀបចំព្រះរាជពិធីដង្ហែព្រះបរមអដ្ឋិព្រះករុណាព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាពទឹកដី និងឯកភាពជាតិខ្មែរ “ព្រះបរមរតនកោដ្ឋ” ដែលនឹងប្រព្រឹត្តទៅនៅថ្ងៃទី១០ដល់ថ្ងៃទី១២ ខែកក្កដា ឆ្នាំ២០១៤ និមន្តនិងចូលរួមក្នុងកិច្ចប្រជុំនេះមានសម្តេចព្រះឧត្តមវង្សា មួង រ៉ា លេខាធិការថេរសភាសង្ឃសម្តេចព្រះឧត្តមបញ្ញា ដួង ផង់ សមាជិកថេរសភាសង្ឃ ព្រះញាណវង្ស ឃឹម សន ព្រះមេគណរាជធានីភ្នំពេញ ព្រះមហារាជធម្ម វង្ស អានីតា សមាជិកគណៈសង្ឃនាយកនៃគណៈធម្មយុត្តិកនិកាយនៃ ព្រះរាជាណាចក្រកម្ពុជា ព្រមទាំងលោក លោកស្រី ជាប្រធានមន្ទីរធម្មការនិងសាសនាទាំង២៥ខេត្ត-ក្រុងនិងមន្ត្រីរាជការក្រោមឱវាទក្រសួងជាច្រើនរូបផងដែរ។
អានបន្ត ៖ កិច្ចប្រជុំរៀបចំព្រះរាជពិធីដង្ហែព្រះបរមអដ្ឋិព្រះបរមរតនកោដ្ឋ
