កិច្ចប្រជុំបូកសរុបលទ្ធផលការងារពុទ្ធិកសិក្សាសម្រាប់ឆ្នាំសិក្សា២០២១-២០២២

ថ្ងៃព្រហស្បតិ៍ ៩រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៣ ខែមិថុនា ឆ្នាំ២០២២ នៅអគ្គាធិការដ្ឋានពុទ្ធិកសិក្សាជាតិ បានរៀបចំកិច្ចប្រជុំបូកសរុបលទ្ធផលការងារពុទ្ធិកសិក្សាសម្រាប់ឆ្នាំសិក្សា២០២១-២០២២ និងលើកទិសដៅបន្ត ក្រោមព្រះអធិបតីភាពសម្តេចព្រះពោធិវ័ង្ស អំ លីមហេង ព្រះរាជតំណាងដ៏ខ្ពង់ខ្ពស់របស់សម្តេចព្រះមហាសុមេធាធិបតីកិតិ្តឧទ្ទេសបណ្ឌិត នន្ទ ង៉ែត ព្រះអគ្គាធិការ នៃអគ្គាធិការដ្ឋានពុទ្ធិកសិក្សាជាតិ និងឯកឧត្តម សេង សុមុនី រដ្ឋលេខាធិការ តំណាងដ៏ខ្ពង់ខ្ពស់របស់ឯកឧត្ត ម  ឈិត  សុខុន  រដ្ឋមន្រ្តី ក្រសួងធម្មការនិងសាសនា ដោយមានការនិមន្ត និងអញ្ជើញចូលរួមប្រជុំដោយផ្ទាល់នៅសាលប្រជុំ  អ.ព.ស.ជ  ពីសំណាក់ សម្តេចព្រះអគ្គាធិការរង ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ព្រះមន្ត្រីសង្ឃ និងមន្ត្រីរាជការសរុបចំនួន ១០៨ អង្គ/នាក់ និងចូលរួមប្រជុំតាមរយៈប្រព័ន្ធ ZOOM  Meeting ពីសំណាក់ព្រះមេគណ ព្រះបាឡាត់គណ  ព្រះមន្ត្រីសង្ឃ និងមន្ទីរធម្មការនិងសាសនារាជធានី ខេត្តទាំង២៥ សរុបចំនួន ១០០ អង្គ/នាក់។

ខ្លឹមសារនិងរូបថត៖ អគ្គាធិការដ្ឋានពុទ្ធិកសិក្សាជាតិ

សូមអរព្រះគុណ  សូមអរគុណ

Read more: កិច្ចប្រជុំបូកសរុបលទ្ធផលការងារពុទ្ធិកសិក្សាសម្រាប់ឆ្នាំសិក្សា២០២១-២០២២

ឯកឧត្តម ម៉ុម ជឹមហ៊ុយ ចុះឈ្វេងយល់សកម្មភាពការងារ រចនាសម្ព័ន្ធ តួនាទីភារកិច្ចរបស់ពុទ្ធសាសនបណ្ឌិត្យ

នាព្រឹកថ្ងៃទី១៣ ខែមិថុនា ឆ្នាំ២០២២ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ព្រឹទ្ធសភា អមដំណើរដោយឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា បានអញ្ជើញចុះឈ្វេងយល់អំពីសកម្មភាពការងារ រចនាសម្ព័ន្ធ តួនាទីភារកិច្ចរបស់ពុទ្ធសាសនបណ្ឌិត្យ និងសួរសុខទុក្ខមន្ត្រីបម្រើការ នៅពុទ្ធសាសនបណ្ឌិត្យ។
ក្រោយពីបានស្តាប់សេចក្តីរាយការណ៍របស់លោក ស សុខនី ប្រធានពុទ្ធសាសនបណ្ឌិត្យ រួចមក ឯកឧត្តមប្រធាន បានថ្លែងកោតសរសើរ និងលើកទឹកចិត្តដល់មន្ត្រីដែលបម្រើការងារនៅទីនោះឱ្យបន្តខិតខំបំពេញការងារឱ្យបានកាន់តែប្រសើរថែមទៀត លើការងារស្រាវជ្រាវ ចងក្រង រៀបចំទុកដាក់បណ្ដុំឯកសារ ទិនានុប្បវត្តិ ព្រឹត្តិប័ត្រ និងទស្សនាវដ្ដីវប្បធម៌ប្រពៃណីខ្មែរ គម្ពីរព្រះត្រៃបិដក សាស្ត្រាស្លឹករឹត និងច្បាប់បោះពុម្ព ដែលសុទ្ធតែមានតម្លៃ ចំពោះជាតិ និងការផ្តល់សេវាដល់មហាជនក្នុងការអានសៀវភៅ។
ឯកឧត្តមប្រធានបានបន្តថា នាពេលខាងមុខករណីមានការបោះពុម្ភឯកសារផ្សេងៗ ឯកឧត្តមនឹងជួយឧបត្ថម្ភតាមលទ្ធភាពជាក់ស្តែង។
ប្រភព៖ លេខាធិការដ្ឋានអមគណៈកម្មការទី៧ ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
 

ពិធីប្រកាសថ្វាយគោរម្យ៍ងារនាមាភិធេយ្យ «អភិធជអគ្គមហាសទ្ធម្មជោតិកៈ»

នារសៀលថ្ងៃព្រហស្បតិ៍ ២រោច ខែជេស្ឋ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី១៦ ខែមិថុនា ឆ្នាំ២០២២ ឯកឧត្តម ឈិត សុខុន រដ្ឋមន្រ្តីក្រសួងធម្មការ និងសាសនា បានអញ្ជើញចូលរួមក្នុងកម្មវិធីប្រកាសថ្វាយគោរម្យ៍ងារនាមាភិធេយ្យ «អភិធជអគ្គមហាសទ្ធម្មជោតិកៈ» របស់ក្រុមប្រឹក្សារដ្ឋនៃសាធារណរដ្ឋសហភាព មីយ៉ាន់ម៉ា ថ្វាយ  សម្ដេចអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្ដេចព្រះមហាសង្ឃរាជ នៃព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលមានការយាង អញ្ជើញចូលរួមពី សម្ដេចព្រះសង្ឃនាយករង សម្ដេច ព្រះរាជាគណៈ ឯកឧត្តម លោកជំទាវ ជាឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋសហភាពមីយ៉ាន់ម៉ា រដ្ឋលេខាធិការ អនុរដ្ឋលេខាធិការ នាយកខុទ្ទកាល័យ ព្រះមេគណ ព្រះបាឡាត់គណ ព្រះគ្រូអនុគណ  មហាឧបាសក-មហាឧបាសិកាពុទ្ធសាសនូបត្ថម្ភក៍ ពុទ្ធបរិស័ទ និងភ្ញៀវកិត្តិយសជាតិ-អន្តរជាតិ នាសាលសន្និសីទចតុមុខ រាជធានីភ្នំពេញ។

Read more: ពិធីប្រកាសថ្វាយគោរម្យ៍ងារនាមាភិធេយ្យ «អភិធជអគ្គមហាសទ្ធម្មជោតិកៈ»

Page 1 of 85

Flag Counter