ថ្ងៃទី០១ ខែធ្នូ ឆ្នាំ២០១៤
កំពង់ចាមៈ ចាប់ពីក្រោយថ្ងៃជ័យជំនះ ៧មករា ១៩៧៩មក រណសិរ្សបានដើរតួនាទីយ៉ាងសំខាន់ ដើម្បីបម្រើបុព្វ ហេតុសាមគ្គី ឯកភាពជាតិ ការកសាង ការពារ និងអភិវឌ្ឍន៍ប្រទេសជាតិ និងជីវភាពរស់នៅរបស់ប្រជាជន ដែល យើងចាត់ទុកថា បុព្វការីពុំអាចបំភ្លេចបាន សមនឹងទិសស្លោកថា “មានថ្ងៃ២ធ្នូ ទើបមានថ្ងៃ៧មករា មានថ្ងៃ៧មករា ទើបមានជីវិតយើងទាំងអស់គ្នា និងមានអ្វីៗគ្រប់បែបយ៉ាងមកដល់សព្វថ្ងៃនេះ”។ នេះជាប្រសាសន៍លើក ឡើង របស់ លោក មិន ឃិន ប្រធានក្រុមការងារថ្នាក់ជាតិចុះជួយស្រុកកងមាស ខណៈអព្ជើញជួបសំណេះសំណាលជាមួយប្រជាពលរដ្ឋនិងមន្ត្រីរាជការប្រមាណ២០០នាក់ ព្រឹកថ្ងៃទី៣០ ខែវិច្ឆិកា ឆ្នាំ២០១៤ នៅមន្ទីរគណ បក្សប្រជាជនកម្ពុជាស្រុកកងមាស។
អានបន្ត ៖ លោក មិន ឃិនៈ ការរីកចម្រើនមកដល់សព្វថ្ងៃគឺដោយសារបុព្វហេតុ២ធ្នូ និង៧មករា
ថ្ងៃទី២៩ ខែ វិច្ឆិកា ឆ្នាំ២០១៤
ភ្នំពេញៈ ថ្ងៃទី២ ខែធ្នូ ឆ្នាំ២០១៤ គឺជាខួបលើកទី៣៦នៃកំណើតរណសីរ្សសាមគ្គីសង្រ្គោះជាតិកម្ពុជាដែលបច្ចុប្បន្នមានឈ្មោះថាក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា។ នេះជាប្រសាសន៍លើកឡើងរបស់ លោក មិន ឃិន អនុប្រធានអចិន្ត្រៃយ៍និងជាអគ្គលេខាធិការក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជាបន្តអញ្ជើញសាកសួរសុខទុក្ខអ្នកជំងឺគ្រប់ប្រភេទនៅមន្ទីរពេទ្យកុមារជាតិ កាលពីរសៀលថ្ងៃទី២៨ ខែ វិច្ឆិកា ឆ្នាំ២០១៤។
ថ្ងៃទី២៧ ខែ វិច្ឆិកា ឆ្នាំ២០១៤
ភ្នំពេញៈ មេដឹកនាំសាសនានៅព្រះរាជាណាចក្រកម្ពុជាត្រូវជំរុញធ្វើសកម្មភាពដើម្បីរួមចំណែកអប់រំផ្សព្វផ្សាយតាមគ្រប់រូបភាពដើម្បីបង្កើនការយល់ដឹងនិងជួយទប់ស្កាត់អំពើហិង្សាលើកុមារនៅគ្រប់ទីកន្លែងទូទាំងព្រះរាជាណាចក្រកម្ពុជា។ នេះជាប្រសាសន៍លើកឡើងរបស់ លោក មិន ឃិន រដ្ឋមន្ត្រីក្រសួងធម្មការនិងសាសនា ដែលបានចូលរួមបើកអង្គសិក្ខាសាលាមួយដែលរៀបចំដោយ អង្គការ យូនីសេហ្វនិងអង្គការទស្សនៈពិភពលោក សហការជាមួយក្រសួងធម្មការនិងសាសនាស្តីអំពីតួនាទីឥស្លាមសាសនានិងគ្រិស្តសាសនាក្នុងការទប់ស្កាត់អំពើហិង្សាលើកុមារ នៅសាលប្រជុំភោជនីយដ្ឋានទន្លេបាសាក់២ ព្រឹកថ្ងៃទី២៧ ខែវិច្ឆិកា ឆ្នាំ២០១៤។
អានបន្ត ៖ ឥស្លាមសាសនានិងគ្រិស្តសាសនាក្នុងការទប់ស្កាត់អំពើហិង្សាលើកុមារកម្ពុជា
ថ្ងៃទី២៦ ខែវិច្ឆិកា ឆ្នាំ២០១៤
ភ្នំពេញៈ ព្រឹកថ្ងៃទី២៦ ខែវិច្ឆិកា ឆ្នាំ២០១៤ នៅសណ្ឋាគារអ៊ីមផើរៀល៍ លោក មិន ឃិន រដ្ឋមន្ត្រីក្រសួងធម្មការនិងសាសនា បានអញ្ជើញចូលរួមជាអធិបតីក្នុងកិច្ចប្រជុំមេដឹកនាំព្រះពុទ្ធសាសនាក្នុងគោលបំណងពិភាក្សាអំពីទ្រឹះស្តីព្រះពុទ្ធសាសនាសម្រាប់ពិធីបួងសួងដើម្បីទប់ស្កាត់អំពើហឹង្សាលើកុមារ។ ក្នុងកិច្ចប្រជុំមេដឹកនាំព្រះពុទ្ធសាសនាក៏មានការយាង-និមន្តពីសំណាក់សម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត បួរ គ្រី សម្តេចព្រះសង្ឃរាជនៃគណៈធម្មយុត្តិកនិកាយនៃព្រះរាជាណាចក្រកម្ពុជា សម្តេចព្រះឧត្តមបញ្ញា ដួង ផង់ សម្តេចព្រះឧត្តមវង្សា មួង រ៉ា សម្តេចព្រះឧត្តមចរិយា ឈឹង ប៊ុនឈា ព្រះញាណវង្ស ឃឹម សន ព្រះមេគណរាជធានីភ្នំពេញ និងមន្ត្រីសង្ឃគ្រប់ឋានានុក្រមជាច្រើនអង្គផងដែរ។
